Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Ruošša / Ryssland

Ruošša moaitá Ruoŧa sámepolitihka

Publicerat onsdag 22 januari 2014 kl 05.53
Sikku: "Lea buorre ahte dákkár áššit bohtet bajás"
(1:47 min)
– Jáhkán lea buorre ahte dákkár áššit bohtet bajás, dadjá Ol-Johán Sikku. Govvejeaddji: Olle Kejonen / SR Sámerádio

Dal moaitá Ruošša Ruoŧa sámepolitihka. Ođđa ráportas mii Ruošša lea geigen EU:ii čállet earret eará ahte Ruoŧa Sámedikkis ii leat doarvái fápmu.

Ođđa ráportas logahallá Ruošša visot EU-riikkaid ja loktet áššiid gos oaivvildit riikkat rihkkot olmmoslaš vuoigatvuođaid.

Ruoŧas váldet ovdamearkan vealaheami sisafárrejeddjiid, nissoniid ja romaid vuostá, muhto fuomášahttet maiddá sámiid dili. Earret eará čállet ahte báikkálaš olbmot balahit ruvkedoaimmat bilistit eatnamiid ja sámiid eallinvuogi.

Ráportas muittuhit nai ahte EU ieš lea ávžžuhan Ruoŧa buoridit sámegieloahpahusa, ja ahte Ruoŧa stáhtta ferte nannet Sámedikki mearridanválddi. Dasa lassin moaitá ráportas Suoma, go eai leat dohkkehan ILO-soahpamuša.

Muhto ii Ruošša ge leat dohkkehan dán soahpamuša, ja Ruošša beal Sámis ii gávdno ge virggálaš Sámediggi. Danin Sámedikki stivrra várreságadoalli Ol-Johán Sikku imaštallá go Ruošša dal buktá dákkár moaitaga.

– Ruoŧa bealde ii ge leat dat dilli maid mii hálidit, son lohká. Muhto jos buohtastahttá de doppe lea vel heajut dieđusge. Mii fertet oaidnit dan mii lea buorre, ja dat lea ahte ságástallan boahtá bajás. Vaikko boahtá Ruoššas, mii hoaitá iežas álgoálbmogiid vel heajobut. 

Olle Kejonen
olle.kejonen@sverigesradio.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".