Govva: Jonas Ekströmer/Scanpix.
Sápmi

Suodjalusbivddu mearrádusváldi bissehuvvon

1 beaivvi guovvamánu rájis galggai mearrádusváldi meahciealli suodjalusbivddu hárrái sirdojuvvot Luonddugáhttendoaimmahagas leanastivrraide. Nu lea ruoŧa riikkabeaivi mearridan. Muhto sirdin lea dal gaskaboddosaččat bissehuvvon.

Sivvan dasa lea go meahcieallisearvi Nordulv lea váidan ášši hálddahusriektái. Dálá ortnega mielde lea vejolaš váidit Luonddugáhttendoaimmahaga mearrádusaid duopmostuollui muhto ođđa vuogádagas lea nu ahte jus váidá leanastivrra mearrádusa, de váidalus manná Luonddugáhttendoaimmahahkii ja Luonddugáhttendoaimmahaga mearrádusa ii geava váidit bajibu, das lea maŋemus dadjamuš áššis. Nu lea vuogádat ođđa meahcieallihálddašeamis man riikkabeaivi lea dohkkehan. Danin oaivvilda Nordulv searvi ahte dát vuogádat rihkku searvvi ja searvvi miellahtuid vuoigatvuođaid.

Sámiid riikkasearvvi ságadoalli Jörgen Jonsson gii ovddasta eanas čearuid Ruoŧas leai ilus go leanastivrrat galget váldit badjel mearrádusválddi. Sivvan dasa lea doaivu ahte leanastivrrat leat johtileappot váldit mearrádusaid go guoská suodjalusbivdui. Otne go mearrádusváldi lea Luonddugáhttendoaimmahagas sáhttá ádjanit hirbmadit ovdal go mearrádus boahtá. Jörgen Jonsson doaivu ahte Hálddahusriekti hilgu Nordulv searvvi váidalusa ja son ii oainne ahte searvvi vuoigatvuođat rihkkojuvvojit.

                                                              Ann Catrin Stenberg Partapuoli
                                                              anncatrin.stenberg.partapuoli@svt.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".