Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Gávnnisvárri/Bájil

Tapulijeaggi goiká

Publicerat onsdag 29 januari 2014 kl 16.44
Ruvki Gávnnisváris. Govva: Magdalena Martinsson/Sveriges Radio

Ruvki olggobealde Bájila sáhttá váikkuhit lundui mihá eanet go maid leat dán rádjái jáhkkán. Dal lea várrá ahte jeakkit guovllus goiket ja fitnodat ferte dal guorahallat ášši.

Leat jeaggeeatnamat Northland Resourcesa ruvkki birra Tapulis mas lea sáhka. Doppe lea vuođđočázi cohkon ruvkki sivas mihá eanet go álggus ledje rehkenastan. Muhton sajiin lea čázi cohkon mottiin mehteriin leanastivrra dieđuid mielde, dát sáhttá dagahit goike jeakkit boahtteáiggis.

- Ovdal go roggan álggahuvvui, mii dajaimet ahte roggan ii váikkuhuvvuš olggobealde buođuid. Dal vuosehit iskkusat ahte mii váikkuhit vuođđočázi mihá eanet go leaimmet jáhkkán. Juste dan mii leat dal guorahallame, man stuora váikkuhus šaddá, dadjá Willy Sundling, birashoavda Northland Resources fitnodagas.

Tapuli ruvki lea vuosttaš guovtti plánejuvvon ruvkkis ja fitnodagas leat otne 300 bargi muhto sáváldat lea ahte bálkádit vel 100 olbmo ovdal jahkeloahpa. Dal juo veardiduvvo ahte 60 hektára váikkuhuvvo vuođđočáži rievdadeamis, dat mearkkaša 85 spábbačiekčanšillju guovllus mas leat alla luondduárvvut ja suodjalanárvosaš šattut, muhto Northland Resources birashoavda Willy Sundling ii leat surus.

Dal lea jearaldat šaddet go goike rásit 50 dehe 500 mehtera sisa jeaggái. Lea dušše jeaggi mii goiká, eai leat olbmot lahkosis, dadjá Sundling. Dal ferte Northland dutkat got dát váikkuha birrasa ja luonddu ja dieđihit dan leanastivrii.  

Muhto jearaldat lea maiddái makkár ekonomalaš návccat fitnodagas lea bargat birasáššiiguin. Northland measta reastaluvai diibmá giđđat ja dan rájis lea fitnodat čađahan rekonstrukšuvnna.

Arne Müller, gii lea čállán girjji ruvkkiid birasváikkuhusa birra, meidne ahte ruvkefitnodagat eai álo ovddemusat geahča birasoasi. Son lea čállán oalát ođđa kapihttala girjji nuppi prentemis juste Northland fitnodaga birra.

- Ruđalaš deaddu mii gávdno, earenoamážit ođđa, smávva ruvke- ja ohcanfitnodagain dagaha diehttelaččat ahte miellaguottut luonddu ja birrasa ektui váikkuhuvvojit, dadjá Müller.

Muhto vaikko ruđalaš bealli fitnodagas ii leat nu nanus, de oaivvilda birashoavda Willy Sundling ahte Northlandas leat doarvái ollu ruhta čorga hoaidit birasbarggu.

-Juohke beaivvi mii bidjat sierra ruđaid mat leat dárbbašlaččat birasbargui, dadjá Sundling.

Ii gávdno várra ahte dát ekonomalaš váttisvuođat váikkuhuvvoše birasbarggu?

- Ii obbanassiige.

Olle Kejonen
olle.kejonen@sverigesradio.se

Sámgillii: Ann Catrin Stenberg Partapuoli
SVT Ođđasat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".