Sámediggi/Sametinget

Eai jáhke eretcealkin čuohcá Sámedikki luohttámuššii

Ii leat vel diehtu gii šadda Sámedikki ođđa stivrra várreságadoalli maŋŋel go Ol-Johan Sikku ikte geassádii. Sámedikki stivralahtut eai jáhke ahte Sikku eretcealkin čuohcá Sámedikki luohtamuššii.

Min Geainnu bellodaga jođiheaddji Ol-Johan Sikku dieđihii ikte ahte son geassáda visot politihkalaš doaimmain Sámedikkis. Lea buorre ollet soameslágán čovdosii oaivvilda stivralahttu Lars Jonas Johansson:

Dakkár dilli ii leat buorre Sámediggái, dat billista luohttamuša politihkkariidda. Dasálassin lea šaddan nu stuibmi ahte lea buorre go son dal lea geassádan.

Mannan vahku dieđihii Min Geainnu njunoš ahte bellodagas ii leat šat luohttamuš Ol Johan Sikkui ja gáibidii su geassádit. Stivraságadoalli Håkan Jonsson dadjá ahte ii jáhke ahte Sikku eretcealkin čuohcá negatiivvalaččat Sámedikki luohttevašvuhtii. Seammá oaidnu lea stivralahtus Jan Rannerudas:

- Dát ii váikkut Sámediggái iežá go ahte biestit veahá gelbbolašvuođa stivrras go árvideamis lea Min Geaidnu sádden iežas buoremus olbmá stivrii.

Dal galgá Norrbottena leanastivra rehkenastit Min Geainnu bellodaga jienaid Sámediggeválggas vai čielga gii váldá Sikku saji. Dasto lea dievasčoahkkima bargu nammadit ođđa jođiheaddji ealáhuslávdegoddái ja ođđa lahtu stivrii. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".