Lars Anders Baer. Foto: Per-Josef Idivuoma
Máilbmi / Världen

Ruoŧŧa dohkkehan Palestiinna - ná váikkuhuvvo Sápmi

"Ruoŧŧa lea hui čielgasit lohkan ahte sii čuvvot álbmotrievtti"
1:32 min

Ikte mearridii Ruoŧa ráđđehus dohkkehit Pálestiinna stáhttan. Lars Anders Baer jáhkká dat sáhttá šaddat ággan sámi rahčamušain dohkkehan dihte ILO 169-soahpamuša.

Ruoŧŧa lea 135. riika máilmmis mii dohkkeha Palestiinna stáhtán, ja nuppát riika Sámis - Ruošša han dovddastii Palestiinna juo 1988. Ja vaikko guhká leamaš sáhka dan birra, ii Norga, ii ge Suopma leat dohkkehan riikka.

Lars Anders Baer, gii guhká lea bargan olmmošvuoigatvuohtaáššiiguin earret eará ON:as, lohká Ruoŧa mearrádus sáhttá šaddat ággan sámi rahčamusain dohkkehan dihte ILO 169-soahpamuša.

– Dál go Ruoŧŧa lea hui čielgasit lohkan ahte sii čuvvot álbmotrievtti ja dainna lágiin dohkkehit Palestiinna - jos dat seammá livččet lohkan ahte čuvvot álbmotvuoigatvuođa prinsihpaid Sámi ektui, de livččii dieđusge hui álki dohkkehit ILO 169, Baer lohká.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".