1 av 2
2 av 2
LKAB Foto:SVT
GIRON/KIRUNA

Čuvvot olmmoš vuoigatvuođaid cealká LKAB

Stáhta ruvkefitnodat LKAB oaivvilda ahte sii čuvvot olmmoš vuoigatvuođaid go čuvvot Ruoŧa lága, vaikko vel Sámiráđđi ja Girjás čearru leat iežá oaivilis.

Stáhtaeaiggáduvvon ruvkefitnodat LKAB mielas sii eai rihkko olmmoš vuoigatvuođaid go plánejit ruvkedoaimmaid Ylipääsnjaskii, davvelis Veaikevári.

- Sii čuvvot daid njuolggádusaid. Lea Ruoŧa láhka mii stivre iskosbohkámiid ja sii oaivvildit ahte čuvvot olmmoš vuoigatvuođaid go čuvvot Ruoŧa lága, dadjá LKAB diehtojuohkin hoavda Anders Lindberg.

LKAB lea ohcan dán dálvvi beassat álggahit iskusbohkámiid Ylipääsnjaskas, Gálás- ja Gáidumeanu gaskas, mat leat Girjás čearrui dehálaš guohtuneatnamat. Dá lea maid suodjaluvvon guovlu. 

Sámiráđi bealis leat gergosat doalvut dán ášši dobbelii jus gáibiduvvo. Dal leat gáibidan LKAB fitnodagas raportaid mat čájehit ahte čuvvot olmmoš vuoigatvuođaid, mii guoská ruvkeplánaide.

- Sii gáibidit fitnodaga analyseret jus čuvvot olmmoš vuoigatvuođaid ja analysa vuođul oaidnit ahte dán báikkis eai sáhte bohkat. Sii jáhkket dán analysa váilot, dadjá Mattias Åhren, Sámiráđi juristta. 

Ealáhusministtara preassačálli dadjá ahte ráđđehus doivo ruvkefitnodaga čuovvut njuolggádusaid ja jotket gulahallamiin fitnodagain.

 LKAB bealis deattuhit ahte leat máŋga jagi geahččalan ságastallat čearuin muhto ságastallamat eai lea lihkostuvvan. 

- Fitnodagas leat soahpamušat iežá čearuiguin ja dat čájeha ahte sáhttá soabadit got boazodoallu galgá sudjejuvvot, dadjá Anders Lindberg. 

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".