Ruoŧŧa / Sverige

ILO 169 ratifiseren ii leat vel áigeguovdil Ruoŧas

Suopma lahkonisgoahtá ILO 169 ratifiserema muhto Ruoŧŧa ii leat ollen nu guhkás vel, iige atte čielga vástádusa maid Suoma ratifiseren mearkkaša Ruŧŧii. 

Jenni Laiti lea Suomabeal Sámis eret ja lea badjelaš gávcci jagi orron Jåhkamåhkis, Ruoŧas iežaš veagain. Son lea ilus go guhkes rahčan Suomas lea buktán bohtosiid ja su doaivva lea ahte Ruoŧŧa ii sáhte bázahallat muhto ferte maiddái ratifiseret ILO-konvenšuvnna.

Dán čavčča riikkaválggaid oktavuođas badjánii fas ságastallan ILO 169 soahpamuša birra Ruoŧas, go dálá stáhtaministtar Stefan Löfven lobiđii ahte soahpamuš galgá dohkkehuvvot, muhto ii sáhttán lohpidit goas.

Ráđđehus ii leat addán čielga vástádusa maid Suoma ratifiseren mearkkaša Ruŧŧii.

Sámediggepolitihkkár Lars Jonas Johansson oaivvilda ahte ráđđehus guorahallamiiguin garvá ovddasvástádusa iežaš eamiálbmoga ektui ja meidne ahte Ruoŧŧa ii muital duohtavuođa go dadjet ahte váldet vuhtii sámiid beroštumiid, nu eai daga, ii vuoigatvuođalaččat iige iežá dehálaš áššiin.

Jenni Laiti jáhkká ahte šattalii álkkit eallit sápmelažžan jus visot davviriikkaid čuovolivčče seammá soahpamuša. 

- Dat nanne sápmelaččaid vuoigatvuođaid álgoálbmogin ja maiddái addá sámepolitihkkariidda ovtta reaiddu lassin movt bargat viidáseappot. 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".