Barents

Geassejiekŋa Arktisis láhppun juo vihtta jagi geažis

”Jagis 2020 mii sáhttit vuordit ahte geassejiekŋa Arktisis láhppu”. Nu dadjá professor Peter Wadhams Cambridge universitehtas, Eŋglánddas. Dat lea measta guokte jahkelogi árabu go ovdal leat doivon. Nu čállá Barentsobserver neahttaaviisa.

Peter Wadhams lea professor matemátihkas ja teorehtálaš fysihkas ja son doalai logaldallama Reykjaviikkas mannan vahkkoloahpa gos muitalii ahte dát dieđut eai leat einnosteamit got sáhtálii šaddat. Su dieđut vuođustit dáhtain.

Wadhams lea geahččan dáhta maŋos guvlui gitta 1979 rádjái jieŋain Arktisis, ii dušše man ollu jiekŋa muhto maiddái man assás jiekŋa lea leamaš jagiid mielde. Son oaidná ahte suddan manná johtilit ja ahte ii oru leahkime mihkkege mii sáhttá bissehit liegganeami. 

 

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".