Ruoŧŧa / Sverige

Ođđa sámeministtar Sámedikki guossis

Ráđđehusas galgá buoret gulahallan Sámedikkiin, dat leai okta boađus maŋŋá go Ruoŧa sámeministtar Alice Bah Kuhnke leai otne vuosttaš geardde deaivvadan Sámedikkiin.

Alice Bah Kuhnke lea dal leamaš Ruoŧa ođđa sámeministtar vihtta vahku ja otná čoahkkimis son lobiđii ahte ráđđehus galgá buorebut gulahallat Sámedikkiin.

 - Sii fertejit joatkit ságastallat mot gulahallan galgá doaibmat. Muhto diehttelaš galgá doaibmat miha buoret go dán rádjái lea dahkan, dadjá Alice Bah Kuhnke.

Juste Sámedikki ja ráđđehusa gulahallan leai Sámediggái dehálaš ášši. Sámedikkipolitihkkár jáhkká ahte dat buorrána ja ahte sis lea ON:a eamiálbmot máilbmekonferánssa loahppadokumeantta, buorre veahkkin.

 - Ja mon jáhkán dát lea min stuora veahkki go mii galgat dal geahččalit oažžut eanet ságastallama ráđđehusain ja ministtariiguin, dadjá Ingrid Inga.

Sámediggi lea juo logenári jagi vuordán iežaš parlameantta dálu. Girona gielda ja Sámediggi leat válljen gosa dállu galgá ceggejuvvot ođđa gávppotguovddážis. Muhto ruhtadeapmi dán dállui ii lea ollen dađi dobbelii ja ii ministtaris lean dalge ruhtaseahkka mielde.

- Dal goit gávdnu báiki ođđa dállui, mii lea hui čáppat ja dehálaš min riikii. Son vuordá eanet áššis departementii, dadjá sámeministtár.

 Ja ministtara jelgii ii galgga nubbi logi jahki gollat ovdal ođđa parlameanta lea ceaggut.

- Sávvá ahte lea dán njellji jagis vai beasan leahkit mielde rahpamis, dadjá Alice Bah Kuhnke. 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".