SÁPMI

Sámit behttohallan Ruoŧa girkui

Sámit leat suhttan ja behttohallan go ruoŧa girkčoahkkin ikte mearridii hilgut mošuvnna ILO-konvenšuvnna 169 dohkkeheami birra. Dát sáhttá váikkuhit soabadanprosessii mii lea jođus girku ja sámiid gaskkas.

Ruoŧa girkočoahkkin ikte mearridii hilgut Ruoŧa dohkkeheami ILO-konvenšuvnna 169. Sylvi Sparrock lohkká iežas behttohallan danin go sámeráđđi ruoŧa girkus lea garrasit bargan áššiin maŋemus jagiid.

- Lean nu suhttan ja behttohallan, ledjen vuordán mihá buoret bohtosiid girkočoahkkimis.

- Girku ii leat vel láddan váldit dán mearrádusa muhto ruoŧa girku bargá goitge sámi áššiiguin, lohkká Ann-Britt Åseböl, girkolávdegotti lahttu.

Sámiid ja girku gaskkas lea dal soabadanproseassa jođus mas girku lea sámiin átnun ándagassii dološ vearredaguid ovddas ja vilges girji galgá nai čállojuvvot. Sámedikki stivralahttu Ingrid Inga meidne ahte mearrádus čuohcá luohttamuššii girkui. Ovdalaš ságadoalli ruoŧa girku sámeráđis, Johannes Marainen čuovvula dan jurdaga.

 - Mii dat dát lea, jus ii okta oassi soabadallamis got sámiid leat hálddašan ovdal, go dal dadjet ahte eai doarjju, lohkká Johannes Marainen.

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".