1 av 2
Rigoberta Menchú Tum Foto: Maret Steinfjell/ SVT Sápmi
2 av 2
Rigoberta Menchú Tum Foto: Maret Steinfjell/ SVT Sápmi

Ráfibálkášumi-vuoiti rahčá ain eamiálbmogiid ovddas

Rigoberta Menchú finihii fas sámis, juoga maid lea guhká háliidan. Vaikko lea hui stuora earru su ruovttoriikkas Guatemálas ja Sámis de son oaidná árvvu eamiálbmogiid bargguin miehtá máilmmi.

 

Rigoberta Menchú Tum lea álgoálbmogiid gaskkas beakkán iežas bargguid dihte álgoálbmotrivttiid gáibideamis. Mannan vahku son searvvai Olmmošvuoigatvuođa-beivviin Ubmejes. 

Rigoberta Menchú Tum lea Maya quiche-álbmogis Guatemálas. 1992 oaččui son Nobel-ráfibálkkášumi iežas rahčamiid ovddas álgoálbmogiid rivttiid dihte. Dát ii leat vuosttaš geardde go lea sámis. -92  manai maid Guovdageainnus, davvi norggas. Ja son atná ge hui árvvus sápmelaččaid bargguid máilbmedásis, vaikko eamiálbmogiin máilmmis leat sierralágán váttisvuođat

- Mii eat galgga buohtastahttit gillámušaid, mii leat vásihan olmmošgoddiimiid ja tortyra, muhto visot mat čuhcet olbmuide leat vearredagut, dadjá Menchú Tum.

Maya-álbmot ja iežá álgoálbmogat gaskka- ja lulliámerihkas leat šaddan gillát riidduid eurohpálaš kolonialismas, earret iežá olmmošgoddiimiid, geafivuođa, eanansuoládemiid ja soađiid. Rigoberta vázzá áhče-váinni bálgá go bargá eamiálbmot-rivttiid ovddas, ii beare ruovttuguovllus muhto riikkaviidosaččat.

- Olus eai liiko dan bargui maid dagan, gávdnojit olbmot dán máilmmis geat atnet in galggale gávdnot. Mu mielas lea mis riekti beloštit iežamet áššiid.

Rigoberta oaidná čuvges boahtteáiggi eamiálbmogiidda Guatemálas, vaikko máŋgii lea geahččaluvvon goaridit sin kultuvrra. Ja lohká iežaš dovdat liekkasvuođa oaidnalit oappái ja vielljaiguin Sámis, ja čealkila dearvuođaid Sápmái.

- Čealkán erenoamážit dearvuođaid sámi nissonolbmuide, go nissonolbmot leat dehálažžat kultuvrras, gos máilmmis fal lea. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".