Ruoŧŧa / Sverige

Sámeministtaris lea Norga ovdagovvan

Ruoŧa ođđa sámeministtar liiko nu movt Norgga eiseválddit gulahallet Sámedikkiin ja barget sámi áššiiguin. Ministtar atná ge Norgga vuogi dego ovdagovvan.

Go sámeministtar Alice Bah Kuhnke manai Sámedikkis árabut dán mánu leai gulahallan guovddážis. Son lohpida buoret gulahallama Sámedikkiin ja oaidná ahte lea dehálaš oahppat ránnjá riikka sámepolitihkkas.

Sámediggi bargá oažžundihte bistevaš gulahallam stáđain. 

- Sii hálediit bistevaš gulahallama stáhtain ja danin gáibidit konsultašuvdna ortnega, dadjá Håkan Jonsson, Sámedikki stivraságadoalli.

Norgga Sámedikkis ja Norgga stáđas lea juo measta logi jagi leamaš gulahallan šiehtádus jođus, ahte stáhta ferte konsulteret sámedikkiin, áššiin mat gusket sámiide.

Professor Ole Heandrat Magga oaivvilda ahte dárbbašuvvo njuolggádusat mot gulahallan galgá doaibmat ja  jahkká buorrin go ministtar gehčesta Norgga sámepolitihkka.

- Muhtun sajiin lea Norga oalle ovddabealde Ruoŧa, muhto nuppe bealde lea Ruoŧas guhkes, dološ árbevierru, gos eiseváldit gieđahalle sámiid miha buorebun go Norggas. Das gal lea oahppamus goappeš guvlui. Lea gal hui buorre jus Ruoŧa ministtar háliida oahppat Norggas, dadjá Ole Heandrat Magga. 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".