Giron/ Kiruna

Ruoŧa gurutbellodaga jođiheaddji leai guossin Gironis

Ruoŧa gurutbellodaga jođiheaddji ii hálet ahte sámekultuvra jávkaduvvo ja danin lohpida garrasit bargat sámi áššiiguin riikkabeaivvis ja nannet minerálalága. Nu dagai go leai bovdejuvvon Gironii oahpasmuvvat buorebut Sápmái. 

Politihkkarat leat hárjánan čoahkkinastit ja kantuvrrain čohkkat, muhto gurutbellodaga jođiheaddjis Jonas Sjöstedtas leai veaháš earqlágan beaivi. Sáminuorra organisašuvdna áigu dáinnalágiin váikkuhit riikabeaivvi.

- Min dovdat ahte min áššit  eai oidno doppe gos galget leahkit dábálaš áššin. Dat galget leahkit oassin sin barggus Mun sávqn goit ahte soai váldiba daid dieđuid ja máhtuid maid mii reistet dál addit sudnuide, riikabeaivái ja duođain bargagohtet dainguin áššiiguin, dadjá Per Jonas Partapuoli, Sáminuora ovdaolmmoš.

Sii boradedje dás Ruovdenjunis Girjása čearu eatnamiin, dan dihte go juste dát guovlu geasuha ruvkefitnodagaid. Ja vaikko lea gáhttejuvvon guovlu lea Kiruna Iron ožžon iskanlobi guovllus.

Jonas Sjöstedta mielas lei mávssolaš oaidnit guovllu iežas čalmmiiguin ja meidne ahte dal leat stuora hástalusat, ILO konvenšuvnna 169 dohkkehit ja hábmet ollislaš sámepolitihka. Boazodoalloláhka lea dološáigásaš ja son vuordá ráđđehusas nannet minerálalága. Son atná árvvus go beassá singuin hupmát geaidda dat čuohcá.

Gurutbellodat leat opposišuvnnas riikkabeaivvis, muhto lea doarjjan ráđđehusbellodagaide. Eabage Sjöstedt ja su bellodatustit beassan dušše čáppá birrasis leat, soai leigga maid Sámedikki ságain ja Sáminuorra leai bovden buot olbmuid geat hálededje suinna hupmat sámedállui. Matti Berg, Girjása čearu ságadoallis lea doaivva ahte lea ávki bovdet riikkabeaivepolitihkkariid.

- Dat ii leat minerálalágas, ruvkkiin ja eará eanangeavaheamis sáhka. Dat leat sámi vuoigatvuođat maid fertejit vuhtii váldit. Su mielas lea áigi láddan ahte ruoŧa stáhtá váldá vuhtii iežas eamiálbmoga ja sin vuoigatvuođaid.​

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".