1 av 2
Foto: Máret Steinfjell/SVT Sápmi
2 av 2
Foto: Máret Steinfjell/SVT Sápmi
Sápmi

Ođđa gávtti šŋivgaleame márkaniidda

Máŋemus jagiid lea Johanna Njaita juohke dálvemárkaniidda gorron alcces ođđa gávtti, nu maid dán jagi. Ja go lea olles barggus de mannet eanaš eahkedat dudjomii.

Moatti vahkku geahčen leat Johkamohki dálvemárkanat ja sosiala mediain oaidná čielgasit ahte máŋggas leat dudjome dassažii. Go dat lea jagi vuosttaš gáktemárkan. Johanna Njaita lea maid ráhkaneame Johamohki dálvemárkaniidda, son šŋivgala alcces ođđa gávtti.

– Mu mielas lea vuogas áigi čájehit iežan ja soiatá hutkan juoga ođđasa, ja nuppe dáfus leat máŋggas gorron ođđa gávttiid ja čiŋaid háhkan, de háliidan ieš maid seammaládje, dadja Johanna

Vaikko sus lea skábedievva gávttit de gal áinnas goarru eanet ja son lea áito ásahan  alcces duodjefitnodaga, vaikko sus lea olles bargu sámiskuvllas Johakmohkis.

– Mun niegada ealihit iežan dudjomiin, dál go lean háhkan alcces duodjeoahpu. Ledjen sáhttit ijaid beivviid dudjot. Muhto makkár eará barggu maid háliidan gal rievddada áiggi mielde.

Deartnanieida ii loga dovdat huša ja ii bala maid earát dadjet, na earret go...

– Eanemusat ballan eatni ja fulkkiid moaitit, go gávttis leat bearašmearkkat ja daid in hálit rihkkut, loahpaha Johanna.

 

 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".