Giron/ Kiruna

Stuorimus fágasearvejođiheaddji ii dieđe ollu sámiid birra 

Ruoŧa fágaservviid ovttastusa, LO, alimus jođiheaddji leai bovdejuvvon Sámedikkis davás, oahppandihte sámi ealáhusaid birra ja dáinna lágiin vurdet eanet ipmárdusa sámi áššiin servodagas. 

LO-jođiheaddji lea mannan meahcis geahččame Giebnegáissi guovllu, davvelis Girona, gos máŋga ruvkefitnodagain lea iskanlohpi.

- Ferte dadjat ahte muhton ruvkeásaheamit daid maŋemus jagiid, eai lea nu albmalágánat ja das galggalii Bergstaten, stáhtta ja iežá mearrideaddjit veardidit ovdal ožžot lobi roggat, dadjá Karl-Petter Torwaldsson

LO-jođiheaddji lea Sámedikkis bovdejuvvon Gironii oahpastuvvat sámi ealáhusaide ja oaidnit guovlluid gos leat ruvkeplánat. LO lea akta dain Ruoŧa stuorimus guovddášorganisašuvnnain fágaservviide, masá gullet birrasii beannot miljuvnna bargi, earret iežá gielddain ja industriijain. 

Sámedikki stivraságadoalli vuordá ahte dákkár deaivvadeapmi bidjá sámi áššiid ja beroštumiid oidnosii. 

- Oažžut LO, mas lea stuora fápmu Ruoŧas, oaidnit váttisvuođaid ja maid eananávkkastallamat mearkkašit, buktá sávvamis buoret ipmárdusa ja ahte sámit besset leahkit mielde mearrádusain, dadjá Håkan Jonsson. 

- Ruvkeealáhus lea dehálaš Ruoŧas, muhto diehttelaš dan ferte veardidit iežá beroštumiid ektui, dadjá Karl-Petter Torwaldsson. 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".