Britt-Inger Tuorda. Foto: Sveriges Radio Sameradion
Britt-Inger Tuorda. Foto: Sveriges Radio Sameradion

Lunddolaš ságastallama bokte ovdánahttit julevsámegiela

4:11 min

Golggotmánus álggahuvvo julevsámegiala bagadusprográmma ja prográmma ulbmil lea fállat lunddolaš giellabirrasa, gos oahppit besset ságastit ja gullat sámegiela. 

Bagadusprográmmas oažžu juohke oahppi bagadalli dahje mentora gii máhttá sámegiela. Oahppi galgá oktii vahkus váldit oktavuođa bagadalliin ja dasto deaivvadit buot oahppit ja bagadallit oktii mánus. Ulbmil lea ásahit lunddolaš gielladeaivvademiid, gos sáhttet lunddolaččat sámástit, nugo ovdamearkka dihtii bargosajis, gávppis jn.

- Vuosttažin lea julevsámegiella unnitlogugiella ja de lea áinnas bajidit giela ja addit vejolašvuođa oahppat dan ieža vugiin, dadjá Britt-Inger Tuorda guhte lea Sámi oahpahusguovddáža rektor. Ná čilge son manin lea dehálaš álggahit julevsámegiela prográmma: . 

- Julevsámegiella ferte dál gullogoahtit ja oidnogoahtit, muđui dát jávká oalát dadjá Tuorda. 

-Muhto oba dávjá oaidná ahte vuoras olbmot leat hárjánan ruoŧastit olbmuin geat eai máhte čielga sámegiela, ja got dát lea hástalussan?

-  Sámgielagat fertejit hárjánit sámástit sidjiide guhte leat oahpamin sámgiela ja dat geat leat oahpamin sámegiela fertejit duostat duostut sámegielaga sámgielain.

Tuorda muitala ahte buorre vuohki lea geavaha ruovdesolbmu, mas čuožžu ahte "mun sámástan" ja maid gavdno dakkár mas čuožžu "mun lean oahpamin sámegiela" de olbmot oidnet ahte soames sámásta dahje ahte lea oahpamin sámegiela.

- Lea mearka sámegiellagiidda ahte sáhttet dáinna olbmuin sámegiela ságastit, dadjá rektor.

-Sámedikki giellaguovddáš Staares lea čađahan oarjelsámegiela bagadusprográmma ja das leat buorit bohtasat. Makkár vuordámušat leat dus prográmmii?

- Ahte dat ovdánit njálmmálaččat ja ahte dat šaddet lagamus áigái giellaguoddit vái giellabargit ja ahte giella gullo boahte áiggis maid, dadjá Tuorda. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista