Laila Susanne Vars, direktör för Gáldu, det norska resuscentret för urfolkrättigheter. Foto. Anna Sunna/Sameradion
Laila Susanne Vars, direktör för Gáldu. Foto: Anna Sunna /Sveriges Radio Sameradion
Veckans gäst - Radio Sápmi

Laila Susanne Vars: Smávva gilážat leat sámi váldobáikkit

Láhkadovdi ja sámedikkipolitihkkár Laila Susanne Vars lohká iežas orrun buot sámi metropolain, dain smávva gilážiin gos buot dáhpáhuvai.

- Sámis eai leat dat stuora gávpogat, ja buot sámi lihkádusat ja dáhpáhusat leat vuolgán dain smávva báikkiin, lohká Laila Susanne Vars.

Laila Susanne Vars lea sámedikkipolitihkkár, láhkadovdi ja luomečoaggi. Son jođiha Gáldu orgánisašuvnna bargguid ja orru Guovdageainnus.

Son lohká iežas orrun sámi stuoramus guovddášbáikkiin, metropolain; Láhpoluobbalis, Sirpmás ja Látteváris.

- Buot sámi lihkádusat, dáhpáhusat ja politihkka leat vuolgán dain smávva báikkiin. Álttá-stuimmiid oktavuođas lávejedje ovdamearkkadihte čoahkkánit Sirbmái, lohká Laila Susanne.

Laila Susanne lea bajásšaddan Láhpoluobbalis, gos orui áhku ja ádjá luhtte dan botta go eadni vážžii skuvllaid.

- Mon háliidin šaddat dego áhkku ja ádjá, ja mu stuoramus niehku lei iežan fatnasa ordnet Láhpoluobbalii, lohká Laila Susanne.

- Ja mu buoremus dalle mánnán lei Elle-áhkku, okta áhkku gii orui ránnjaviesus gean luhtte lávejin fitnat juohke beaivve, muitala Laila Susanne.

Politihkka lohká boahtán mánnavuođas, muhto ii dieđe justta gos boahtá.

- Váillahan dan áiggi go mii astaime olbmuid luhtte fitnat ja čoavdit máilmmi váttisvuođaid gievkkanbeavdegáttis,

- Mu politihkka vuolgá várra das go ádjárohkki lei diekkár gievkkanbeavdepolitihkkár

Laila Susanne Vars gulat odná Radio Sámi prográmmas gaskal 15:00-16:00 P2 kánalas.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".