Jiemtie/Jämtland

Boanda ii geavat oastobiepmu álgoálbmogiid dihte

Boanda Anders Jörgensen Jiemties gaska Ruoŧas geavaha dušše luonddu iežas gusaide. Su mielas ii leat njuolga ahte eará olbmot šaddet gierdat su fitnodaga dihte.

Anders Jörgensen bargá bivastat gálluin. Danin go gesiid su gusat dušše guhtot olgun ja dálvviid son biebmá daid suinniiguin. Čakčat ovdal muohttagoahtá son viežžá suinnid maid lea láddjen návehii. Su eallinláibi ii galgga billistit iežá olbmuid ovddas.

- Dat lea imaš go ferte eará guovllu billistit vai sáhttit ruđa dahkat dáppe, dadjá Jörgensen

Pálbmaolju njamiha olggus pálmmain mat šaddet stuora plántašain. Dat plantášat dagahit ahte álgoálbmogat oarjelulliásias vuojehuvvojit eret harvemeahcis. Bohccofuođđaris lea mihá eanet pálbmaolju go gussafuođđaris. Jinjevaerie čearru dieđihii Lantmænnen fitnodahki, mii buvttada fuođđariid, ahte čearru ii hálet pálbmaoljjufuođđariid go dat bisseha eará álgoálmogiid eallima eará guovllos máilmmis. Claes Johansson, Lantmännen fitnodagas lohká ahte sii leat geahččame got čoavdit váttisvuođa, muhto dadjá maiddái ahte sáhttá ádjanit rievdadit sisdoalu.

- Ođđa fuođđara dahkat ádjána, dat ii leat dušše molsot sisdoalu, dadjá Claes Johansson.

Anders Jörgensen gal joatká suinnid vuodjit. Son lea duhtivaš go su fitnodat ii billis eatnamiid eará guovllos.

- Mon jáhkán lahkadahkkun biergu lea buoret, de eat dárbbaš billistit eatnamiid eará guovllos. Mu mielas lea imaš ahte ferte viežžat eallinláibbi iežá guovllus go ruovttos gávdno buoret biergu, loahpaha Anders Jörgensen.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".