Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Saemiedigkie/Sámedigge/Sámediggi

Ruoŧas galgá psyhkalaš dikšu buorránit

Publicerat fredag 11 september 2015 kl 15.58

Dal áigot ruoŧabealde geahččat vugiid buoridit sámiid psyhkalaš divššu. Prošeaktajođiheaddji ja psykologa Petter Stoor lohkká hui dehálažžan ahte boađus dás ii galgga vajálduvvot skábe skuffai.

Guhká leat ruoŧabealde sámi servodagas gillán go psyhkalaš divššus ii lea gelbbolašvuohta gielas ja kultuvrras. Psykologa Petter Stoor lea virgáduvvon prošeaktajođiheaddjin gos váilevašvuođat galget gártejuvvot.

- Bargovuogit gal gávdnojit juo, movt bargat sámi psyhkalaš divššuin. Muhto daid ferte čohkket ja gártet nu ahte bargu boahtá johtui, dadjá Petter Stoor.  

Ruoŧa ráđđehus lea bidjan 700 000 ruvnnu guorahallat makkár dieđut leat sámi psyhkalaš dearvvašvuođas ja das oaidnit makkár dárbbut leat. Sámediggi ovttas Álbmotdearvvašvuođaeiseválddiin (Folkhälsomyndigheten) jođiha prošeavtta.

Ruoŧabealde leat máŋggas ohcan psyhkologalaš veahki norggabealde SANAGis, danin go doppe gávdno dat mii ruoŧa dearvvašvuođadivššus lea váilevaš – sámegiella ja kulturgelbbolašvuohta.

Piere Bergqvist lea máŋgii muitalan iežas vásáhusaid go dárbbašii veahki psyhkalaš divššus ja son ozai dan veahki Norggas

- Dáppe ii lea máhttu min kultuvrra ja duogáža birra. Go mon ledjen divššus ruovttoguovllus, de šattai ieš vuohččin oahpahit sámi eallima birra, muitala Per Henrik Bergqvist.

Lea alla lohku boazosámiid gaskkas geas lea iešsorbmenjurdagat, muhto sis lea maid unnit luohtevašvuohta dikšui, go muđui ruoŧa servodagas, čájehit guorahallamat.   

- Lea hui dehálaš ahte boađus dán prošeavttas ii vajálduvvo skábii. Dát lea juoga mainna sámit leat šaddan gillát maŋemus logi jagi, nu das ferte doaibma boahtit, dadjá psykologa Petter Stoor.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".