Sámediggi / Sámetinget

Simon Marainen: Heahpat go easká dál lasihit ruhtadeami

Simon Issát Marainen lea sáhttán čađahit máŋga prošeavtta Ruoŧa Sámedikki vehkiin, muhto su mielas ráđđehus duššo smávvaruđaiguin nanneme Sámedikki dál go lasihit ruhtadeami. 2 miljovnna eiseváldái ja álbmotválljejuvvon orgánii ja miljovnna (1) kulturlávdegoddái.

Kulturbargis galget máŋga dáiddu, artista ja čálli Simon Issát Marainen lea dál báddeme ođđa mánáidrádioráiddu.

– Mun lean ožžon buriid doarjagiid doppe ja dat lea dahkan ahte lean sáhttán čáđahit mu prošeavttaid ja mu bargguid, dat lea leamaš hui veahkkin goit munnje, dadjá Simon Issát Marainen Sámedikki kulturlávdegotti birra.

Ruoŧa ráđđehus lea almmuhan ahte juolludit eanet ruđa Sámediggái boahtte jagi. Guokte miljovnna eiseválddi ja álbmotválljejuvvon orgánii. Kultuvrii juolludit miljovnna eambbo.

– Dat miljovdna dat soaitá rehket moatti smávit prošeavttaide, sáhttit čađahit eambbo muhto dat gal ii leat namuhan veara ge, dadjá Simon Issat Marainen.

Sámediggái lea buorre go ožžot dán lasi ruđa, go sámedikki budjeahtta čájeha ahte leat dán jahkái jo golahan meastta 2 miljovnna eanet go livččii ráđđi. 

– Dat lea measta beare unnán lasiheapmi sámedikki bargonoađi ektui, muhto eanet ruhta go mis lei diibmá lea lávki rievttes guvlui, dadjá Håkan Jonsson, sámediggestivraságadoalli. 

Sámeministtar Alice Bah Kuhnke deattuha ahte sámikultuvra lea Sámedikki vuođđu ja danin lasihit kulturruđa, ráđđehusa ulbmil sámedikki lassijuolludemiin lea ahte sámediggi galgá nanusmuvvat gulahallamis ráđđehusain.

– Mu mielas lea deaŧalaš ahte ráđđehusa bealis lasihit sámediggái eanet ruđa vai sámediggi sáhttá njuovžileabbo searvat gulahallamiii minguin, čilge Alice Bah Kuhnke, sámeministar. 

– Olles sámediggi livččii galgan oaččut ollu eanet ruđa, dat livččii nannen olles sámi servvodaga, nu ahte mu mielas gal heahpat ahte dál easka loktejit daid doarjagiid, dadjá Simon Issát Marainen.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".