Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Ađevuopmi/ Idivuoma

Ii oktage oamas gonagassilddi

Publicerat måndag 21 september 2015 kl 14.10

Nu gohččoduvvon gonagassildi Ađevuomis man Giron sámi teáhtera hoavda Åsa Simma mánnán oaččui sadjái dallus ruvdnaprinssa vehkiin, lea dal šaddan áigeguovdil go das lea divvundárbu. Muhto ii oktage eiseváldi loga iežas oamastit dehe hálddašit dan. 

Se det textade inslaget om Kungabron i Idivuoma i kvällens Oddasat kl.17.30 i SVT2.

Åsa Simma geahčada gova go son leai unni ja vuosttaš geardde beasai rastet čoalmmi silddi mielde ja muitá dan ilu maid sildi buvttii sutnje.

- De beassá eanet nuppiiguin mánáiguin leahkit ja ii dárbbat surrat beasan go rastá, njuoskkan go. Dat buvttii soameslágán dorvvolašvuođa ja máŋgii lean jurddahaddan livččen go aginain ollen ná guhkás eallimis gosa dal lean rávesagis ollen jus sildi ii livčče leamaš. Mon livččen soaittán ain doppe náđđaheame, in ge duostan olbmuid sisa, jurddaša Åsa Simma. 

Nu got mii leat muitalan, bođii dát sildi sadjái dallus ruvdnaprinsa vehkiin maŋŋel go Åsa Simma mánnán čálii sutnje ja muitalii váttisvuođaid birra orrut čázi duohken. Dal leai sildi measta hádjosan ja gahččan ja Aslat Simma, gii orru njárgageažis, lea ieš divvun dan go ii leat ožžon veahki eiseválddiin.

- Mon lean jearran eiseválddiin ja sii lohket ahte ii leat sin ovddasvástádus, dadjá Aslat Simma.

Gii oamasta dehe hálddaša silddi lea hui mohkás ášši ja Girona gielda lea geahččalan čielggadit oamasteami das muhto áidna maid doppe leat gávnnahan lea ahte ii gullo gildii.

- Gielda ii sáhte maidege dahkat go ii oamas dan. Leanastivra dat livččii lagamus mu mielas, go gonagas lea addán dan priváhtaolbmui, dadjá Girona gielddaráđđi Kristina Zakrisson.

Muhto leanastivrra ráđđeolmmái Johan Antti vástida e-boasttas ahte leanastivra ii leat ráhkadan silddi iige goasttidan dan ja danin ii leat sin ovddasvástádus divvut dan ge. Muhto Åsa Simma, gii oktii dolin čálii reivve mii buvttii buori bohtosa, ii duđa daidda vástádusaide ja dal son čállagoahtá ođđa reivve. Dan geardde mahearrái Norrbottena leanas.

- Gal dat lea dehálaš ahte dás čilgejuvvo geas lea ovddasvástádus ja gii oamasta dán silddi, dadjá Åsa Simma.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".