June Pedersen. Foto: Privat
June Pedersen. Foto: Privat

June Pedersen lea álgo11-žis

June Pedersen om Norges match mot Kazakstan
4:03 min

Norga čiekčá dál rátkačiekčamiid Kazakstana vuostá. Pite IF čiekči June Pedersen lea dan oktanuppelogi searvvis geat besset álgit čiekčat. 


- Šaddá miellagiddevaš čiekčan, muhto mii boahtit viežžat golbma čuoggá, dajai June Pedersen Rádio Sámis ikte. 

Leat Norgga vuosttáš čiekčamat beassandihte Eurohpameaštirgilvvuide. Sámi nieida gii muđui čiekčá Bihttáma nissonjoavkkus June Pedersenlea vuohččan almmolaččat Norgga riikajoavkkus.

June Pedersen beasai vuosttaš geardde čiekčat Norgga riikajoavkkus go joavku čievččai priváhta riikačiekčamiid mannan duorastaga. Dalle vuite 4-0 Skottlánda vuostá.

Norgga Riikajoavkkus lea dál ođđa hárjeheaddji, maŋŋelgo Norga ovddit vuoro ii beassan eará gávccadasfinálii Máilmmemeaštirčiekčamiin.  June Pedersena mielas lea ođđa hárjeheaddji oláhan buori ovdáneami jovkui. Danin lea sus buorre iešdovdu otná čiekčamiidda. 

- Lea lossat čiekčat amasšilljjus, muhto gal dat manná. Mii vuoitit, dajai June ikte. 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".