Sápmi/Sverige

Jeenebh utnie nuepiem saemien lohkedh

Sov lin learohkh gellie tjïeltine Sveerjesne. Jeenh learohkh eah fijhkh saemien lovhkedh dannasinnie goh vaenieh lohketäjjah gåvnese. Lohketäjja Sara Åström tuhtja maajööhpehtimmie buerie goh dellie åadtjoeji jeenebh learohkh nuepie saemien lohkedh.

Göökth biejjh våhkesne, ligan lohketäjja Sara Åström jïh learohke Mika Jonsson Gehrke gaavnesjamme, njieljieh jaepieh. Sara noerhte Sveerjesne, Johkemaehkesne jïh Mika åarjene, Stuehkesne. 

– Dïhte hov mov barkoe lohketäjjine vuekie gaavnedh mij jåhta, dihte ajve dihte, lea jeatja vuekine barkedh maajhööhpedimmien tjirrh, datovren tjirrh ean gosse manne leam klassetjiehtelisnie, bene buerie ööhpehtimmie lea buerieööhpehtimmie jallhts jis dihte lea klassetjiehtelisnie jallh datovren tjirrh, soptseste lohketäjja Sara Åström. 

Låhkoe Saemiedigkeste vuesehte ahte däjmetje åadtjoeji unnebe goh bielie dej learohkeste mah sïjhtieh saemien ööhpedimmie. Däjmetje lïj gööktetjuetieluhkienjieljie learohkh mah sïjhtieh åarjelsaemien lohkedh, barre tjuetiegovhte dejstie daab åadtjoeji, Mika Jonsson Gehrke akte dejstie. 

Guktie lea skypen baaktoe?

– Daate gujhth eevre sïejhmie, lean darjoeme dam varki 5 jaepieh, numtieh daate munnjien eevre sïejhmie. Tuhtjem buerielaakan jåhta, soptseste Mika Jonsson Gehrke 

Saemieskovlestovre lea dan tjaktjegen aelkeme saemienmaajhööhpehtimmie tjïelteskuvlijde faaledh. 

– Mijjen ulmie lea moadtie jaepiej sisnie nahkasjidh Sveerjen saemienööhpehtimmie darbpoem gaptjedh, mijjen ulmie lea aaj ahte saemienööhpehtimmien kvalitete edtja buerie orrodh. 

Sara Åström lea seamienlohketäjja dovne, maanaj-, noere- jih jåarhkeskuvlesne.  

– Learohke mij lea Stuehkesne jallh Växsjöesne jallh Abiskosne, dah maehtie åadtjoedh tjåangkanidh gaskevïermesne jïh sinsitniene soptsestidh jïh barkedh.  

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".