Marja Bål Nango. Foto: Privat
Marja Bål Nango. Foto: Privat
Veckans Gäst - Radio Sapmi

Marja Bål Nango: Lávejin hivssegis maiddái bargat

Filbmabargi Marja Bål Nango lohká iežas bargat badjelmeari olu, vaikko háliida eallima siskildit eará go dušše barggu.
- Álot galgá juoga joksat, ja ovdal lávejin máiddái hivssegis bargat, lohká Marja.

Marja Bål Nango lea 26 jahkásaš, son ii dieđe gos orru, muhto lea bajásšaddan Ivgovuonbađas. 
- Muittán beatnagiid go jurddašan mánnávuođa, min sogas ledje hui olu beatnagat, muitala Marja.

Marja ozai moatti filbmaskuvlii, muhto ii beassan ovttatge skuvlii. Viimmat beasai Kabelvåg dáiddaskuvlli, ja dan rajes lea filmmaid dahkan. Moadde filmma leat šaddan, ja Marja lea earret eará vuitán debutántta-bálkášumi sihke ImagineNative filbmafestiválas ja Romssa riikkaidgaskasaš filbmafestiválas.
- Ovdal go ohcagoahten skuvllaide de orrun áhku luhtte, mus lei váivi go in diehtán maid galgen dahkat eallimiin, muitala Marja.

Ja son lohká eallima lihkostuvva bures dán rádjái, danne go lea čuvvon eatni rávvagiid.
- Galgá bániid borstet, geargat joatkaskuvllain ja mánáid galgá easká dahkat maŋŋá 20-jahkásažžan, lohká Marja.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".