Per-Olof Nutti Foto: Maria Unga.
Per-Olof Nutti Foto: Maria Unga.

"Balddehahtti go sámediggi lea vajáldahttan Ingwar Åhréne"

"Mun heahpanan"
0:38 min

Lea mannan measta vahkku dan rájes go sámedikki vuosttas stivraságadoalli Ingwar Åhrén vádjolii. Dál imaštallá Sámiid riikabellodaga Per-Olof Nutti go sámediggi ii gostege almmolaččat dan kommentere.

- Son áigu mannat hávdádusain, dadjá sámedikki ságadoalli Stefan Mikaelsson .

- Heahpat, dadjá Per-Olof Nutti.

Maŋŋel jearahallama riŋge Stefan Mikaelsson ruovtoluotta ja dadjá ahte lea su ovddasvástádus ja son čilge ahte sámedikki diehtojuohkki lea juste dál čállimen juoga.

- Ipmirdan ahte lea mannan measta vahkku, muhto sii dahket dál dan buoremusa njulgendihtte dán, dadjá Stefan Mikaelsson.

Ingwar Åhrén šattái 71 jahkásaš ja jođihii Ruoŧa Sámiid riikasearvvi ovdalgo jođihisgođii sámedikki stivrra 1993:s go sámediggi ásahuvvoi Ruoŧas.

Lars-Ola Marakatt
lars-ola.marakatt@sverigesradio.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".