1 av 2
Magdalena "Monne" Fjällström. Foto: Carl-Johan Utsi/ Sameradion & SVT Sápmi
2 av 2
Magdalena "Monne" Fjällström. Foto: Carl-Johan Utsi/ Sameradion & SVT Sápmi

Dál čierasta leahtuin ođđa hástalusaide

Maŋemus jáhki junioran ja Magdalena “Monne” Fjällström vuorddaša skirvehallangilvvuid iluin. Son manahii mannan dálvvi gilvvuid muhto bákčasat leat nanusmahtten su boahttevaš gilvvuide.

Muohta geasuhii máŋga riikajoavkku Goabbdalisii hárjehallat, nu maid Ruoŧa riikajoavku ja Deardná-nieida Magdalena Fjällström gii jagi áigi bávččagahtti čippis, muhto lea dál dan mađe ahte sáhttá fal gilvohallat.

– Mun ráhkistan gilvohallat, ja hástalusaid. Dáida danin dat ii leat čuohcan nu ollu. Mun lean váldán bákčasiid hástalussan šaddat buorebut, dadjá Magdalena Fjällström

Monne nu go su gohčodit lea leamaš buoremusaid searvvis máilmmis, mánnán jo mearridii guorrat ránnjás Anja Pärsona luottaid.
Dál lea hárjehallame Ruoŧa riikajoavkkuin. Vel dán dálvvi gilvala sihke nuoraid ja rávisolbmuid luohkás. Sus leat čielgat mihtut.

– Mihttu lea vuoitit fas golli nuoraid-máilmmemeašttirgilvvus, háliidan maid fas beassat máilmmi buoremusaid searvái máilmmecuppas, dadjá Fjällström

Máilmmecuppa álggaheamis Söldenis, Österriikkas, ii beassan nuppes čierastit, muhto ii son heađásnuvvá go dán mánu loahpas gilvala fas.

– Lea nu áigá dan rájis go maŋemus gilvalin slalomas. In leat nu bures birgen go Söldenis, nu ahte illudan fas gilvalit stuorslalomas, dadjá Magdalena Fjällström



Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".