Giron / Kiruna

Son lea dárkilit čuvvon dálkkádaga maŋemus 35 jagi

Luonddugovvideaddjin lea dálki deaŧalaš, danin lea Tomas Utsi dárkilit čuvvon dálkki ja oaidná movt dálkkádat lea rievdan. Sus eai leat nu stuorra vuordámušat Parisa dálkkádatčoahkkimii.


Govvejeaddji Tomas Utsi vánddarda dávjá meahcis ja sus lea earenoamáš beroštupmi dálkái, maŋemus golbmalogivihtta jagi lea maid čálistan sihke goas bievlá ja goas runoda.

– Dál bievlá árabut ja lasta luoska gaskamearalaččat vihtta beaivvi árabut dán jahkečuođis go dan ovddit jahkečuođis, muitala Tomas Utsi.

Son oaidná dálkkádatrievdama hui čielgasit. Son lea vuohttán ahte lea dávjjit goahpálat ja gassa ritni olles dálvvi.

– Mun guoktilastan veaháš diekko, go mun liikon go giđđa boahtá, dadjá Tomas Utsi

Parisas leat stáhtat ráđđádallan jo guokte vahkku ođđa dálkkádatsoahpamuša mii geatnegahttá stáhtaid goazahit dálkkádatrievdama. Vaikke Utsi mielas ollu sáhtášii dáhkot de ii riekta luohte máilmmi jođiheddjiid doarvái bargat.

– Ii hal daidde šaddat nu ollu dies, muhto ahte váldet lávkkážiid ovddasguvlui gal vuorddán, loahpaha Tomas Utsi. 


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".