Čáppagirjjálašvuođagirji jorgaluvvo sámegillii

Čáppagirjjálašvuođagirjjit leat dárbbašlaččat giellaovdáneapmái, oaivvilda sámegiel professor ja danin jorgala rihkusgirjji sámegillii ja čálli ieš lea movttet go su girji boahtá olggus sámegillii.

Sámegielprofessoris lea diehttelas sámegiella álo guovddážis. Oahpahit, dutkat ja jorgalit. Visot barggut sámegiela ovdáneami dihte.

- Girjjit fertejit jorgaluvvot ja go in ieš máhte čállit girjjiid, de mon jorgalan girjjiid. Giella ii ovdán jus olbmot eai beasa lohkat čáppagirjjálašvuođa girjjiid ja mánát eai beasa gullat eaige lohkat sámegiela. Giela ovdáneapmái lea buorre jus gávdnojit girjjit sámegillii, čilge Mikael Svonni.

Mannan čavčča álggahii Mihkkal veagainis girjelágádusa. Ovtta girjji leat almmuhan ja nubbi boahtá golggotmánus. Dat lea dovddus čálli ja gironlačča Åsa Larssona girji “Det blod som spillts” man Mihkkal dal lea jorgaleame sámegillii. Dáhpáhusat girjjis leat gironguovllus.

- Mon dieđán man váttis lea jorgalit ja oainnán jorgalusaid mat eai leat álo nu buorit. Mu jurdda lea ahte dát galgá leahkit buorre jorgalus ja galgá leahkit somá lohkat, dadjá Mikael Svonni.

Girječálli Åsa Larsson lea guođđan Girona ja orru dal lulli Ruoŧas, su jurdagat jorret liikká gironguovllus. Son lea nu ilolaš go Mihkkal oallut girjjiid siste válljii juste su girjji ja vaikko lea almmuhuvvon 30 gielaide, de mearkkaša ollu ahte boahtá olggus sámegillii nai.

Synk 3, Åsa Larsson: Jag är sedan tidigare översatt till finska, jag skriver på svenska och nu får jag också finnas på nordsamiska. Då finns jag på de tre språken som finns i mitt eget område. Såklart är det en otrolig glädje.

- Mu girji leat ovdal juo jorgaluvvon suomagillii, mon čálán ruoŧagillii ja dal girji boahtá sámegillii. Visot golbma giela mat gávdnojit mu guovllus. Diehttelas lea stuora illu, dadjá Åsa Larsson. 

Ja Mihkkalis gal lea čielga mihttomearri jorgalanbargguin.

- Jus máhttá jorgalit nu bures ahte son gii lohká ii dieđe ahte lea jorgaluvvon, de lea buorre, loahpaha Mikael Svonni gii juste dal lea jorgaleame girjji sámegillii. 


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista