1 av 2
Samiska flaggan. Foto: Stefan Karlsson/ Sameradion & SVT Sápmi
2 av 2
Foto: Stefan Karlsson/ Sameradion & SVT Sápmi
#sanningsápmi

Sámi duohtavuođa-komišuvdna lahkona Ruoŧas

Mannan geassi mearridii Sámediggi ja Vealahanáittardeaddji álggahit sámi duohtavuođakommišuvnna ulbmiliin loktet oidnosii ruoŧa stáđa vearredaguid sámiid vuostá. Vuosttaš čoahkkin barggu birra dollojuvvo ihttin, bearjadaga. Ovdalaš sámi áššedovdi bidjá vuordámusa bargui ja muitá dološ vealaheami. 

Ruovttustis Gironis logada Vuollu Brore girjjiid ráfis muhto muitá ain go son mánnán geađgáduvvui go Gironis váccii gávttiin. Ja su áddjá Skumma Niillas šattai vuovdit dálus oktan eatnamiin maid leai oastan Moske gillái moadde miilla davvelis Jiellevári. Fálddi mielas boazosápmelaš ii sáhttán leahkit eanaoamasteaddji.

- "Dal lea ášši nu ahte fertet boazohoaiddu heaitit go dus lea dállu ja meahcci”. Áddjá jáhkii dan beallediimmes leaikan, muhto de son vástidii fáldái ahte “dat lea áidna maid mon máhtán, bohccuid hoaidit, ii suige mon sáhte loahpahit iežan eallima danin go mus lea orohat dálvesiidasajis". Muhto son šattai vuovdit vaikko iežas ruđaiguin leai oastan báikki, de leai sin lága vuostá. Lean geahččan dallus áigásaš lágaid ja dat eai gávdno gostege ahte sápmi ii oačču dálu ráhkadit jus lea iežas eatnamis, muitala Bror Saitton, dáidara Skumma Niillasa nieiddabárdni. 

Ihttin, bearjadaga, álgá ráđđádallan duohtavuođakommišuvnnabarggu birra man Sámediggi ja Vealahanáittardeaddji galget ásahit. Ulbmil lea iskat ruoŧa stáđa vearredaguid sámiid vuostá. Sihke Eurohparáđđi ja ON leat máŋgii cuiggodan ruoŧa stáđa sámepolitihkas ja vealaheamis mii ain váikkuha sámiid dili Ruoŧas. Sámediggi ja vealahanáittardeaddji lea bovden sámi riikkaorganisašuvnnaid ja Sámedikki lávdegottiid vuosttaš čoahkkimii ráđđádallat got bargat viidáseappot. 

- Dát lea vuosttaš čoahkkin mas sii galget ságastit maid duohtavuođakommišuvnna mearkkaša, makkár vuordámusat sis leat ja maid dat galgá sisdoallat, dadjá Håkan Jonsson, Sámedikki stivraságadoalli. 

- Doaivva gal lea ahte dakkár duohtavuođakommišuvdna sáhttá buoridit sámiid dili Ruoŧas. Dat mii goit dáhpáhuvvá lea ahte dihtui ja oidnosii bohtet visot dilit ja dáhpáhusat mat leat leamaš maŋemus čuohti jagi, árvala Bror Saitton. 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".