Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/

Poliisa vuordá ilmmuhusaid

1 av 3
Sara Skum, Girjas sameby
2 av 3
Sara Skum, Girjas sameby. Foto: Marja Påve/ Sameradion&SVT Sápmi
Klas Johansson, polisregionchef i Norr & Håkan Jonsson, Sametinget styrelseordförande
3 av 3
Klas Johansson, polisregionchef i Norr & Håkan Jonsson, Sametinget styrelseordförande. Foto: Anne-Ravna Allas Sameradion & SVT Sápmi

Nuorra boazoeaiggát lea duššastuvvan go lea vásihan ahte ii oro ávki váidit boazosuolavuođa. Liikká ávžžuha davimus Ruoŧa poliisahoavda boazodoalliid váidit rihkkosiid.

Ođđa jahki, muhto diimmás vásáhusat leat ain varas muittus. Sara Skum, Girjas čearus šattai oaidnit mot sin bohccot biinniduvvojedje. Vaikko ilmmuhedje rihkkosiid poliissaide, de ii orron ávki.

- Boazodoallit leat ilmmuhan máŋggaid jagiid, muhto gáibiduvvo maid poliissas čájehit bohtosiid. Dát manná beare birra, birra ja viimmat olbmot vuollánit, dadjá Sara Skum, Girjás čearus. 

Juste Sara veaga diimmáš boazobiinnidan áššit eai leat čielgan. 
Sámerádio & SVT Sámi iskan čájehii dalle ahte juohke nubbi čearru Ruoŧas lea vásihan boazosuolavuođa.

Boazosuoládeamit eai leat álkkes rihkkosat čoavdit, olu áššiin ii gávnna duođaštusaid, čilge davvi regiovdnapoliisahoavda, ilmmuhusaid haga lea goitge vel váddásit.

- Go leat beare moadde ilmmuhusat šaddá váttis oažžut olles gova dáin rihkkosiin. Ja de šaddá eaŋkil áššiid geahččalit guorahallat čiekŋalit, dadjá Klas Johansson, davimus Ruoŧa regiovdnapoliisahoavda.

Sámedikki bealis oidnet ahte lea dehálaš doalahit oktavuođa poliissain go ii lea dohkálaš dilli baozodoalliide.

- Sámediggi ferte ovttas poliissaiguin geahččat got galgá dahkat dakkár áššiiguin ovddosguvlui, go otne ii leat dohkálaš dilli, dadjá Sámedikki stivraságadoalli Håkan Jonsson. 

Dán dálvvi Sara Skum siida ii jođe dálveeatnamiidda gos diibmá šadde bohccot gillát.

- Juo 70-logus leai boazosuolavuohta stuora váttisvuohta Jiellevári gielddas. Gos leat ilmmuhuslogut dain?

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".