1 av 3
Åsa Blind. Foto: Máret Steinfjell/ Sameradion & SVT Sápmi
2 av 3
Åsa Blind. Foto: Máret Steinfjell/ Sameradion & SVT Sápmi
Åsa Blind rahkkaneame vuolgit Váhčira diggeriektái. Govven: Máret Steinfjell, Sameradion & SVT Sápmi
3 av 3
Åsa Blind rahkkaneame vuolgit Váhčira diggeriektái. Govven: Máret Steinfjell, Sameradion & SVT Sápmi Foto: Åsa Blind rahkkaneame vuolgit Váhčira diggeriektái. Govven: Máret Steinfjell, Sameradion & SVT Sápmi
#girjasmotstaten

Son vuordá Girjása čearu vuoitit

Sus leat stuorra vuordámušat ahte Girjása čearru galgá vuoitit, go ihttin almmuhuvvo Girjás čearu ja Ruoŧa stáhta gaskasaš duopmu. De čielggaduvvo goappás lea riekti hálddašit smávvafuođđobivddu ja guolásteami čearu eatnamiin, stáhtas vai čearus.

Ihttin coggala gávtti ja vuolgá Váhčira diggeriektái, go ihttin boahtá duopmu dan nu gohčoduvvon Girjásáššis.
Girjáslaš Åsa Blind čuovui mannan giđa diggeráđđádallamiid, mat biste vihtta vahkku.

– Munnje gal lei hui unohas gullat go stáhta advokáhtta Forsell álggi dego lohkkat ahte ii leat diehtu ahte sámit leat leamaš dáppe ja gávdnobehtet go dii obanassiige, dat čuozai munnje hui garasit go álggi eahpidit ahte mii leat, dadjá Åsa Blind.

Girjasa čearru stevdnii Ruoŧa stáhta jo jagi 2009, čearru čuoččuha ahte sis lea sierra vuoigatvuohta hálddašit smávvafuođđobivddu ja guolásteami iežaset eatnamiin. Stáhta oaivvilda ges ahte sis lea bivdo- ja guolástanriekti danin go eaiggádit eatnama.

– Mun vuorddán dieđusge ahte min vuoitit. Mun in sáhte oaidnit ieža go ahte stáhta sáhttá vealahit sámiid ja dát lea leamaš hirbmat guhkes proseassa ja sámit leat vuosttildan dan jo 30 jagi, ja dál beassat oaidnit maid stáhta duođain meidne, dadjá Åsa Blind.

1993 rádjái sáhtte Ruoŧa čearut stivret oalle muddui gos ja goas sáhtte bivdit sin eatnamiin, 1993 válddi Ruoŧa stáhta dan alcceseaset, dainna bohtosiin ahte bivdu ja guolásteapmi lassanii ollu.
Åsa Blind lea oahpaheaddji Váhčira sámeskuvllas ja váldá mielde daid ohppiid geat háliidit diggeriektái ihttin.

– Muhttimat jáhkket ahte dat leat duššo boazosámit Girjasis geat galget bessat doppe bivdit ja guliid bivdit, muhto nu dat ii leat ollenge nu. Ja mun lean reisten ohppiide čilget ahte mii dat lea áššiid, dat lea stáhta mii lea váldán rivttiid eret mis ja dat dat lea vuođđo ášši, dadjá Åsa Blind.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".