Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Jokkmokk

Fáhcat leat su eallima guovddážis

1 av 2
Vante från vandringsutställningen på Ájtte
2 av 2
Vante från vandringsutställningen på Ájtte Foto: Stefan Karlsson, SVT Sápmi

Fáhcat leat gullon su eallimii nuorravuođa rájis go dalle čohkkegođii daid. Son lea dutkan minstariid ja erohusaid guovlluid gaskkas. Dal lea rahpan čájáhusa Johkamohki márkana oktavuođas gos Čohkkerasa ja Johkamohki sámiid fáhcat leat guovddážis. 

Erika Nordvall Falck vuoseha oasi iežas fáhccačájáhusas mii dal lea oaidninládje Ájtte museas Johkamohkis. Nuorran juo buollái sus beroštupmi fáhcaide. Ii lean meinnet ahte galggai čohkket daid muhto go logai tekstiilahistorjjá got ullofáhcat ollejedje nuortaguovlui, son veaháš eddui go dovddai ahte leai boastu historjá.

- Leai govvejuvvon ahte gođđin leai ollen Ruŧŧii Danmárkku bakto ja nuorttas guovlui. Seammás mon dihten ahte Čohkkerasas ledje gávdnan máŋgalogi fáhcat, dadjá Erika Nordvall Falck.

Sus lea stuora čoakkáldat muhto dán čájáhusas Ájtte muséas, son vuoseha dušše Johkamohki ja Čohkkirasa fáhcaid. Leat badjel čuohti sierralágán minstarat, originála fáhcat, ođđasit gođđojuvvon fáhcat ja govat.  Stuora oassi boahtá dovddus Teres Torgrima čoakkáldagas Čohkkerasguovllus ja Julevsámis leat Skájdde Márjja bargofáhcat.

- Dát ii soaitte leahkit ollislaš duohtavuohta muhto dát lea maid mon lea gávnnahan ja go mon geahčan fáhcaid Čohkkerasas ja Julevsámis, de oainnan čielga ovttahámádaga sihke smávit ja stuorit minstaris goappaš guovllus, dadjá Erika Nordvall Falck.

Nilla Märak lea okta geahčči mii bidjá stuora árvvu Erika bargui.

- Mu mielas Erika lea dahkan hirbmatlágán barggu ja dát lea nissonolbmuid giehtaduodji mat gollet ja láhppojit jus ii oktage čohkke daid, dadjá Nilla Märak.

Dáinna čájáhusain Erika háleda boktit beroštumi fáhcaide.

- Mon háledan ahte dát minstarat galget geavahuvvot. Juohke fáhcca lea dego čikŋa, maiddái eaŋkilis, ovttaivnnát fáhcat leat nu čábbát, loapaha fáhccaáššedovdi.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".