Gáiddusoahpahus lokte sámegieloahpahusa    

Lagabui čuohti máná ohppet dál sámegiela gáiddusoahpahusa bokte, vaikko leamaš lobálaš easka skuvlajagi álggu rájes. Dáinna lea vejolaš buoridit sámegiel dili ruoŧabealde, oaivvilda prošeaktajođiheaddji Tiina Johansen.

Tiina Johansen oaidná gáiddusoahpahusa buori veahkkin daidda gielddaide geat eai nagot gávdnat oahpaheddjiid sámegielas.  

- Dal mađi guhkibu mii boahtit dáinna, dađi eanet mon jáhkán ahte dat sáhttá leahkit buorre čoavddus go váilojit oahpaheaddjit, ii leat sat gaskkain gitta, dadjá Tiina Johansen.

Suoidnemánu vuosttaš beaivvi rájis diibmá lea sámeskuvlastivrras riekti doallat gáiddusoahpahusa, báikkiide gos eai gávdno sámegieloahpaheaddjit, gielda máksá Sámeskuvlastivrrii bálvalusa ovttas.  

Maŋŋel ođđajagi leat gáiddusoahpahus oahppit lassánan geažos áigge ja dal sámeskuvlastivrras leat 87 oahppi gáiddusoahpahusas. Eanas oahppit davvisámegielas muhto maiddái julev- ja lullisámegielas.

Åsa Blind lea guhká bargan oahpaheaddjin Jiellevári sámeskuvllas ja maiddái oahpahan gáiddusoahpahusa, son oaidná sihke buriid ja heajos beliid.

- Stuora earuhus leahkit mánáiguin ovtta lanjas lea ahte go lea skuvllas de sáhttá huobmát vaikko maid. Dihtora čađa ferte diehtit juste maid galgá dahkat, dadjá Åsa Blind.

Vaikko eanet ja eanet mánáide čovdo sámegieloahpahus, de leat maiddái hástalusat. Sámeskuvlastivrras leat dal 11 oahppi geat vurdet oahpu ubmi- ja bihtámsámegielas, daidda leat ohcame oahpaheaddjiid.

- Ilolaš ášši ahte dal sáhttit fállat oahpu, muhto čuohcá váibmui go muhtimat vuordán gávcci jagi ja váhnemat rahčan ja mánát vuordan, dal goittotge lea vejolaš ja buohkat galget oažžut oahpu, loahpaha Tiina Johansen, prošeaktajođiheaddji sámeskuvlastivrra gáiddusoahpahusas.

 

 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".