1 av 2
Skiss på Sametingets parlamentsbyggnad.
2 av 2
Skiss på Sametingets parlamentsbyggnad. Foto: Sameradion & SVT Sápmi

Šaddá go Sámedikki parlameantaviessu Gironii vai ii?

Guoktenuppelogi jagi lea gollan dan rájis go dallus ruoŧa stáhtaministtar Göran Persson dieđihii ahte sámeparlameanta galggai ceggejuvvot Gironii. Dal viimmat galgá Sámedikki dievasčoahkkin mearridit šaddá go nu vai ii danin go leat sierralágán oaivilat politihkkariid gaskkas.

Girona ođđa guovddážii lea plána cegget sámeparlameantaviesu, veahá nuortalis ođđa gávpotviesu man dal leat ráhkadeame. Lea leamaš guhkes ja mohkás proseassa muhto dal leat ollen nu guhkás ahte stivra evttoha dievasčoahkkima mearridit ráhkadit parlameantaviesu dása.

- Symbolalaččat livččii dehálaš parlameantaviesuin. Gosa ráhkaduvvo besset lahtut mearridit, muhto stivra lea evttohan dán viessosaji, dadjá Josefina Skerk.

2004 celkkii dallus stáhtaministtar ahte sámeparlameanta galggai ráhkaduvvot Gironii. Stáhta opmodatdoaimmahat oaččui ráđđehusas barggu válbmet prošeavtta ja evttohus “Badjáneapmi” vuittii arkitektagilvvu. Viessosadji gasku Girona leai válmmas muhto gávpotsirdima geažil bissehuvvui prošeakta, ja nu álge váttisvuođat. Stivra lea jagiid mielde geahččan máŋggaid viessosajiid ja iežá gielddat leat nai beroštisgoahtan parlameantaviesus.

Jagi áigi mearridii ge Sámediggi ahte guorahallat iežá báikkiid seammás go dát mii dal lea áigeguovdil guorahallojuvvui. Ja politihkkariid gaskkas leat máŋggalágán oainnut.

- Su mielas galggalii diktit digaštallama ain eallit. Dan sadjái go čoahkkánastit ovcci beaivvi jahkái parlameantaviesus galggalii viesus leahkit politihkalaš sisdoallu, dadjá Stefan Mikaelsson.






Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".