Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
#bostadsökes

Goalmmát oassi ássodagain vuovdemassii

Publicerat onsdag 24 februari 2016 kl 15.49
1 av 2
Bostäder som är till salu i Karesuando.
2 av 2
Bostäder som är till salu i Karesuando. Foto: Maria Dahlgren/ Sameradion&SVT Sápmi

Girona gávpogis lea orohatvátni ja orohatfitnodat Kiruna bostäder huksi birget go gávpot galgá sirdojuvvot. Muhto gieldda gilis Gárásavvonis orohatfitnodat vuovdá goalmmát oasi sin ássodagain. Orrut eai riekta dieđe gosa sii šaddet ja vuovdin sáhttá čađahuvvot moatti vahku geažis. 

Lagabui guoktelogi jagi lea Tomas Päiviö veagainis orron dan ássodagas Gárásavvonis man Kiruna bostäder dal vuovdá, dan dieđu ožžo orrut jagi áigi. Su mielas dakkár vuovdin váikkuha olles gillái.

- Nuorra olbmuide goit ii leat buorre, nuorra boazoolbmuin ii gávdno vejolašvuohta láiguhit viesuid dápe, goid gielddas, go allmännytta bidjet eret. Sii eai beasa viessosaji oastit go gielddas eai leat viessosajit dárjut, eai beasa bigget.

Golbma dálu main lea guhtta ássodaga galget vuvdojuvvot. Dát mielddisbuktá ahte gieldda orohatfitnodagas Kiruna bostäderis báhcet 11 láigoviesu Gárasavvonis, gos čoahkkebáikkis orrot birrasii 350 olbmo. Vuovdemassii lea vel njealjját dállu, mas eai leat ássodaga. 

2011 vuvde guoktelogigolbma orohaga Ađevuomis, Badje-Sohpparis, Sáivvas, Nearvvás, Guhttásis ja Masugnsbyn.

Kiruna bostäder lea fállan láigoheddjiide iežá ásodagaid muhto easka go gávpi lea válmmas de ránnjažat Tomas Päiviö ja Henrik-Gustav Påve beassaba diehtit šaddet go sirdit vai eai.

- Got dat dal geavvá, gosa dal ožžo huotna ja makkár huotna. Dat gal šaddá surru orohagan, dadjá Henrik-Gustav Påve gii maid lea guhká orron ássodagas mii dal lea vuovdemassii.

Dáidda dáluide gávdno oastit ja Kiruna bostädera áigumuš lea čađahit gávppi juo moatti vahku geažis. Kiruna bostädera stivrra bealis dadjet ahte lea ilá divrras doalahit daid ja beaivválaš jođiheaddji lohká go sii eai leat nagudan hoaitit daid.

- Son ii jáhke dat lea heittot Gárasavvona gillái go sis leat dievva orohagat ain doppe. Soamis iežá beassá ovddidit orohagaid vai gávdnat ođđa gávpevejolašvuođaid, Annelie Vinsa, beaivválaš jođiheaddji Kiruna Bostäder.

Muhto Tomas Päiviö oaidná orohagaid eaktun olbmuide doalahit doaimmaid gilis. 

- Dápe lea stuora doaibma boazodoallu ja mon in jáhke dápe sámi nuorat leat nu gergosat vuolgit Gironii johttát geat barget bohccuiguin, dat háliidit dápe orrut báikki nalde.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".