ON-moaitámušat

Erenoamaš šiehtadus buorrin ovdamearkan

Ruoŧŧa galgá vástidit Ovttastuvvon nášuvnnaid, ON:a, moaitámušaide njukčamánus. Stáhta lokte ovddasbargošiehtadusa gaskkal ruvkefitnodaga LKAB ja Leavas ja Gabna čearut buorrin ovdamearkan das movt sii barget sámi vuoigatvuođaiguin.

Muhto dat earenoamáš ovddasbargošiehtadus guoskká beare guovtti čearrui ja ovtta ruvkefitnodahkii.

- Lea deaŧálaš diehtit ahte dát ovddasbargu LKAB:ain doaibma dáidda guokte čearuide, dadjá Leavaža čearu ságadoalli Niila Inga.

Dainna šiehtadusain lea LKAB čatŋan iežas dasa ahte ii galgga geanohuhttit boazodoalu. Ruoŧa mielas lea dát buorre ovdamearka das movt sii váldet vuhtii sámiid rivttiid.

Diibma čuiggodii ON:a olmmošvuoigatvuođaráđđi Ruoŧa stáhta sámi vuoigatvuođaid dihte, earret eará go eai leat vuollái čállán ILO 169. Njukčamánus galgá Ruoŧŧa vástidit moaitámušaide. Stáhtačálli Per Olsson meidne ahte barggut sámi rivtiiguin leat ovdánan.

Muhto Niila Ingas lea unnán jáhkku dasa ahte dilli buorránivččii lagamus áiggi.

- Lea surgat ahte sii eai hálit rievdadit oainnu dahje barggu vaikko sii ožžot moaitámušaid, dadjá son.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".