1 av 2
Josefina Lundgren Skerk, giellalávdegotti ságadoalli. Govven: Máret Steinfjell, Sameradion & SVT Sápmi
2 av 2
Josefina Lundgren Skerk, giellalávdegotti ságadoalli. Govven: Máret Steinfjell, Sameradion & SVT Sápmi Foto: Josefina Lundgren Skerk, giellalávdegotti ságadoalli. Govven: Máret Steinfjell, Sameradion & SVT Sápmi
#minspråk #eatnigiella

"Dá lea bággo-assimilašuvdna"

Josefina Lundgren Skerk ii hirpmástuvvá das ahte Ruoŧŧa lea čuorbbimus Eurohpás addit oahpahusa unnitlogugielain. Oahpahusministar Gustav Fridolin ii duosta lohpidit ahte Ruoŧŧa sáhttá buoridit dan dili.

Inslaget är textat

Dat skuvlamánát geat ožžot unnitlogugieloahpahusa Ruoŧas ožžot gaskamearalaččat oahpahusa diimmu vahkkui. Muhto dat ii leat lahkage doarvái Eurohpáráđi unnitlogugielaid áššečehpiidjoavku. Sámedigge politihkkár ii hirpmástuvvá go Ruoŧŧa lea čuorbbimus Eurohpás addit oahpahusa unnitlogugielain.

– Dá lea bággo-assimilašuvdna, mánát galget skuvlla vázzit, muhto dat eai oaččo sámegiela oahpahus, dadjá Josefina Lundgren Skerk, sámedikki giellalávdegotti ságadoalli. 


Ruoŧa Radio iskkus čájeha ahte Ruoŧa gielddat addet gaskkamearalaččat diimmu vahkkui oahpahusa unnitlogugielain. Eurohpáráđi unnitlogugielaid áššečeahpit dadjet golbma diimmu vahkkui leat unnimus oahpahusáigi mas lea ávki giela ovdáneapmái, sii rávvejit addit njealje-vihtta diimmu giellaoahpahusa  Ruoŧa oahppominister mieđiha sin meaddit. 

– Go nanne lága, de boktá dat vuordámušaid ahte láhka čuvvo. Danin fertit sihkarastit vejolašvuođa čuovvut lága, dál leat nu unnán unnitlogugiela oahpaheaddjit ahte čájehuvvo ahte váikko oahppiin lea riekti oažžut oahpahusa su eatnigillii de eai oaččo dan, mieđiha Ruoŧa oahpahusministar Gustav Fridolin.

Ruoŧŧa nanni unnitlogugielagiid rivttiid mannan geasi, oahppit geain ii leat giella ruovttus ožžot lihkká gáibidit oahpahusa sin gielas. Dát láhkarievdadus dagahii ahte eanet oahppit leat ge gáibidan oažžut eatnigiellaoahpahusa. Ráđđehusa bealis dadjet čoavdán ollu čuolmmaid go čavčča rájis lea lobálaš fállat gáiddusoahpahusa maid vuođđoskuvllas. 

– Mii fertet čielgaseabbo muitalit makkár rievdadusaid mii háliidit ja mii fertet leat vel garraseabbo ráđđehusa ektui, dadjá Josefina Lundgren Skerk.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".