Juobmotjåhkkå
Juobmotjåhkkå Foto: Marja Påve, Sameradion & SVT Sápmi
Dievssavágge

Albasat goddán 14 bohcco Dievssavákkis

Dievssavákkis, Unna Tjerutjis leat gávdnan 14 albasii goddon bohcco. Leanastivra lea leamaš doppe ja duođaštit albasiid goddán bohccuid. Unna Tjerusj ohcá dál Sámedikkis buhtadusa vahágiid ovddas.

Kjell Åke Pittsa, Unna Tjerusja ovdaolmmoš lea leamaš leanastivrrain Dievssavákkis ikte, ja muitala sin gávdnan 14 ráppi Dievssajávrri lullelis.

– Mii oinniimet golbma albasa doppe, muitala Kjell Åke Pittsa, muhto čearru ii leat ohccán suodjalusbivddu.

– Eat leat vel ollen nu guhkas, dál leat vuos leamaš geahččame geaid bohccot dat leat ja galgat gáibidit buhtadusa sámedikkis vahágiid ovddas.

Norrbottenis ii oaččo bivdit albasiid, dan lea Luonddugáhttendoaimmahat mearidan. Leanstivra Norrbottenis lei mearridan suovvat bivdit gávcci albasa leanas dán dálvvi, muhto dat guoddaluvvui Luonddugáhttendoaimmahahkii. 

– Látti vearáldis leat albasat ja geatkkit binnon. Mii geat leat váriin, mii boazosámit ja leanstivrra luonddubearráigeahččit oaidnit ahte dat leat lasson. Muhto dán áigásaš njuolggadusaid mielde lea váttis duođaštit daid, dadjá Kjell Åke Pittsa.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".