1 av 2
Team Sápmi på AWG i Alaska Foto: Stefan Karlsson/ SVT Sápmi
2 av 2
Team Sápmi på AWG i Alaska 2014. Foto: Stefan Karlsson/ SVT Sápmi
AWG 2016

Ii sierra ruhta AWG-oasálasttimii

Nuorra ruoŧabeal sámi spábbačiekči illuda Árktálaš dálveriemuide Kalaallit Nunaahtii, muhto ruhtaváttisvuođat sáhttet bissehit boahtteáiggi oassálastiid searvamis riemuide.

Elsa Tannerdal, Gironis, lea searvame AWG-gilvvuide. Son ii lean vuordán oažžut jearaldaga čiekčat árktálaš nuoraid dálveriemuin, muhto sutnje leai diehttelas searvat.

- Mon in diehtán ahte spábbačiekčanleairrás Bardufossas váljejeddje čiekčiid Sápmi- jovkui. Šaddá hui somá oahpástuvvat iežá kultuvrraide ja čiekčat spáppa.

Bassin álgá árktálaš nuoraid gilvu Arctic winter games Nuuk gávpogis Kalaalit nunaatas.  Sápmi gilvala čuoigamis, spábbačiekčamis ja servet kulturdoaluide. Golmmas oasseváldiin leat eret ruoŧabealde sámis, eanaš oasseváldit leat norggabealde.

Norggabealde ožžot sámi nuorat ruhtadoarjaga Sámedikkis searvat Awg-gilvvuide. Ruoŧabeal sámi nuorat eai oažžo Sámedikkis fásta ruhtadeami. Dán jagáš gilvvuide ii leat Ruoŧa sámiid valašstallanlihtus sierra ruhtadeapmi oasseváldiide, ruhtadeapmi váldo searvvi doaibmaruđas mii livččui galgan geavahuvvot čuoigamii. Muhto dálve-meaštirgilvvuide eai gávdno lágideaddjit.

- Sin ulbmil lea vuostažettin lágiidit sihke dálve- ja geassemeaštirgilvvuid ja valaštallanleairraid. Go dat ii menestuva de lea ruhta nuoraide searvat AWG-gilvvuide, dadjá Ulrika Renström, Ruoŧa sámi valaštallanlihtu jođiheaddji.



Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista