1 av 2
Plogkäppar som blinkar
2 av 2
Fotomontage av renvarningssystem där plogkäppar blinkar Foto: Jan-Åke Olofsson/ Animal Sense

Ođđa teknihkka galgá váruhit biilavuddjiid

Ođđa prošeakta galgá ovddidit ođđaáigásaš váruhusvuogádaga bohccuide, eastadandihte lihkkohisvuođaid johtolagas. Boazodoalli gal vuordá ođđa váruhusvugiid. 

- Mon jáhkán dat dat gal lea buorre, de oidnet biillat gos leat bohccot. Dálá áiggi mii geavahit beare duoid čáhppes seahkaid ja távvaliid bidjat bajás goigo lea eanet eallu, muhto dat lea váttis go leat unnit čorragat mat leat dáid stuora luoddabealláid, it don sáhte bidjat daid skyltiid juohke sadjái, dadjá Niklas Jannok, Baste čearus. 

Dát boazováruhus galgá doaibmat nu ahte bohccos lea sáddenrustet birra čeabeha, ja go boazu lahkona luotta, de álget luoddadihkát čuovgat, prototypa huksema lea EU-intereg ruhtadan. 

Prošeakta lea ovttasbargu mas leat mielde máŋga dutkanásahusa ja čearut Ruoŧas ja Norggas. Dal galget iskat doaibmá go dát teknihkka albma máilmmis ja galget go sáddenrustegat hábmejuvvot iežáládje.

Juo boahtte dálvvi galgá geahččaluvvot, muhto guovtti jagi geažis bohtet duohtavuođa ovdii go de merkejit guokteduhát bohcco.

- Dal galgat boazodoalliin gullat mot galgá nu doaibmá árgabeaivvis ja maiddái Johtolatdoaimmat ferte leahkit olis vai čuovvut johtolatnjuolggádusaid, dadjá Jan-Åke Olofssonoasseprošeaktajođiheaddji Animal Sense. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".