Šaddá válljet giela ovddaskuvlamánnái

Máŋggaid jagiid lea eadni rahčan vai su mánát oažžogoahtet buoret sámegielfálaldaga. Muhto Tiina Johansen dovdá ahte ferte válljet man gielas lea eanemus árvu. 

Tiina Johansena mánát leat njeallje gielagat, sin bearrašis ságastit Ruoŧa, Suoma, davvi- ja máttasámegiela. Muhto 5-jahkásaš ii sáhte oažžut go ovtta eatnigielfálaldaga ovdaskuvllas. 

- Dat lea váivi čilget ahte nubbi giella ii várra leat nu seamma stuora árvvus go dat ruoŧagiella, mii dáppe lea váldogiella. Dat ii leat mu mielas somá muitalit mánnái ahte dat ferte dovdat ahte okta oassi sus ii leat nu árvvus go nubbi oassi, dadjá váhnen Tiina Johansen.  

Julevu gielda lea válljen dulkot lága dan ládje ahte ovdaskuvllas lea eatnigielat mánás dušše riekti ovtta unnitlogu giellafálaldahkii, vaikko mánás iešalddis leat máŋga giela ruovttus. Máŋgagielatguovdážis Julevus eai sáhte otne dadjat manne sii dulkojit lága nu go dahket ja eai dieđe goas dat mearrádus lea váldon.

Romalaččat leat áidna álbmot Ruoŧas geas lea riekti guokte unnitlogu gielaide, romani chib ja suomagiella.    

- Mu mielas doppe livččii áidna čoavddus ahte Anni Krihke, munno viđa jahkásaš gii máhttá dan njealje giela, ahte son oaččošii dan njellji gillii eatnigiela doarjaga gielddas, ja ahte mii eat dárbbašivčče válljet giela eret, dahje identiteahta, dahje kultuvrra nu mot gielda orru háliideame min dahkat, ahte mii galgat váljet mii son lea ja gii son lea.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista