Plupp. Foto: Inga Marja Steinfjell
1 av 2
Plupp. Foto: Inga Marja Steinfjell
SlinCraze
2 av 2
SlinCraze

Plupp šaddá čájálmas sámegillii

Nils Rune Utsi: Mun illudan hárjehallamiidda
4:07 min

Åarjelhsaemien teatere lea ráhkkaneame ođđa mánáidčájálmassii. Teáhter lea Pluppe ja su guokte ustiba birra mat orrot meahcis ja čiehkádit olbmuin.

Vuosttaš čájálmas lea 29 beaivvi golggotmánus Muoffis ja boahtte vahku álget hárjehallamat. Lea leamaš hástálus gárvet bihttá, dadjá Åarjelhsaemien teatere hoavda ja bagadalli Cecilia Persson.

- Mus lea leamaš oktavuohta Plupp-girječálliin olles áiggi ja sus lea leamaš ollu dadjamus das movt Plupp oažžu ja ii oaččo hábmejuvvot, dadjá son.

Cecilia Perssonii lea leamaš deaŧalaš ahte čájálmas šaddá máŋga gillii ja ahte lullisámegiella oažžu stuora saji teáhteris.

Lea stuora bargojoavku čájálmasa duogin ja okta geas lea deaŧalaš rolla lea Nils Rune Utsi, dahje Slincraze. Son neaktá goddesáhpána Slamma ja galgá vel neaktit lullisámegillii. Son illuda eará gielain bargat.

- Mu bargu artistan lea, ahte ii dušše ovddidit davvisámegiela muhto visot sámegielaid mat mis leat dáppe Sámis.

Nils Rune Utsi muitala ahte dát lea áibbas eará rolla go masa son lea hárjánan.

- Mun lean neaktán sevdnjes rollaid ovdal, šaddá somá leaikastallat ja stoahkat lávddis, dadjá son.

Plupp-čájálmas boahtá vuosihuvvot miehtá Ruoŧa- ja Norggabeal Sámis.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".