1 av 2
Nila Inga, Leaváš, Johanna Kirsten, Näringsdepartementet. Åsa Larsson-Blind Vice president, Samerådet. Elinor Blomberg, departementssekreterare, UD. Gunn Britt Retter, Samerådet och Andrés Jato, Sveriges Arktis ambassadör.
2 av 2
Nila Inga, Leaváš, Johanna Kirsten, Näringsdepartementet. Åsa Larsson-Blind Vice president, Samerådet. Elinor Blomberg, departementssekreterare, UD. Gunn Britt Retter, Samerådet och Andrés Jato, Sveriges Arktis ambassadör. Foto: Máret Steinfjell, Sameradion & SVT Sápmi
Sápmi / Ruoŧŧa

Ruoŧa árktalaš ambassadevra sámis

Ruoŧa árktalaš ambassadevrra mielas leat sápmelaččain ja Ruoŧa ráđđehusas ollu oktasaš áššit maid loktejit árktalaš ráđis ja eará oktavuođain. Danin lea Andrés Jato dál sámis oahppame eanet sámi ja sámi kultuvrra birra.

Andrés Jato lea Ruoŧa ráđđehusa árktalaš ambassadevra, ja dan ámmáhis ovddastage son Ruoŧa árktalaš oktavuođain, nugo ráđđádallamiin eará árktalaš riikaiguin. 

Dál son lea sámis oahppandihte eanet sámi áššiid ja kultuvrra birra. Ikte oahpistuvvui Girona guovllu boazodollui ja beasai gullat makkár hástalusat boazodoalus leat ruvkedoaimmaid ektui. 

– Ruoŧas leat ollu oktasaš áššit sápmelaččaiguin, earenoamážit biras- ja dálkkádat áššit. Ja dan ahte mun beasan oahpasmuvvát báikkálaš máhtui ja vásáhusaide lea mávssolaš. Mun šattan eambbo jahkehahtti go ovddidan áššiid eará riikaid ovddasdeddjiide, dál go ieš lean leamaš dáppe, dadja Andrés Jato.

Andres Jato ii leat vel olles jagige leamaš Ruoŧa árktalaš ambassadevra ja son lea ieš ohcalan eanet dieđu sámi áššiid ja sápmelaččaid birra.
Sámiráđis lea nana oktavuohta Ruoŧa ovddasdeddjiiguin Árktalaš ráđis.

– Loktet Ruoŧa stáhta ovddasdeddjiid máhtu boazodoalu ja sámi kultuvrras lea dárbbašlaš ja buktá buoret ipmárdusa sámi áššiide ja sámi vuolggasadjái boahttevaš áigái go fas čoahkkimaset fárrolaga. Nu ahte dat lea deaŧálaš, dadja Åsa Larsson Blind, Sámiráđi várre presideanta.

 Ruoŧa árktalaš ambassadevrra mátki ain joatká, son galgá odne leat Stuor Muorkkis gos galgá earret eará oahpat árbevirolašmáhtu ja Laponia Tjuottjudausa birra. 

– Eanangáibideaddji ealáhusat ja stuorra industriija álggaheamit leat váttisvuohta olles sámis ja juoga maid árktalaš birrasis digaštallet. Nubbi ášši man birra háliidit hupmát leat boraspiret, mii lea buolli váttisvuohta olles sámis, dadjá Åsa Larsson Blind.

– Mun lean boahtán vai oahpan eambbo, dat lea mu ulbmil mátkkiin, loahpaha Andrés Jato.



Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista