"
1 av 2
Aleksandr Serotetto, boazodoalli, Jamal njárggas, Ruoššas, searvá máilmmi boazoálbmogiid kongressas.
2 av 2
Aleksandr Serotetto, boazodoalli, Jamal njárggas, Ruoššas, searvá máilmmi boazoálbmogiid kongressas. Foto: Marja Påve/ Sameradion & SVT Sápmi
#6wrhc

Bohcco dearvvašvuohta geit deháleamus

Boazodoalli Aleksandr Serotetto lea eret Jamal njárggas, Ruoššas gos diibmá jápme birrasii 1200 bohcco dáđvesonahahkii. Dal lea máilmmi boazoálbmogiid kongreassas gos ságastuvvo bohcco dearvvašvuođa birra.

Diibmá šadde Yamal njárggas, Ruoššas, boahkuhit ealuid ja olbmuid maŋŋá go dáđvesonahat dahje anthrax mirku iđii, doaivumis go báhkkan sudde jieŋat. 

- Mon muittán iežan mánnávuođas ahte dalle ledje maiddái hui liegga geasi, leai muhtomin nu báhkka ahte ii nagodan oađđit lávuin muhto de bođii áigi mii bistii measta 20 jagi go geasit ledje čoaskásit ja bohccot ledje heivehan iežaš ođđa dálkkádagaide. Muhto dat lea duohta ahte diibmá leai erenoamáš jahki ja erenoamáš báhkka jahki, sáhttá dálkkádat sivvan dan vihkái, dadjá Aleksandr Serotetto, boazodoalli ja boazohoavda. 

Yamalo-Nenets Autonomus guovllus bohtet ain joatkit boahkuhit ealuid. Alexandr Serotetto jođiha boazofitnodaga ja čilge ahte dakkaviđe go anthrax iđii biddjoje doaibmabijut vai dávda ii leavvan.

Máilmmi boazoálbmogii kongreassas mii lea jođus Johkamohkis, lea bohcco dearvvašvuohta okta fáttáin.  

- Nugo mii dal oaidnit, dálkkádatrievdan sáhttá leahkit hástaleaddjin dan dihte go dat buktá vaikko ođđa dávddaid ja parasihttaid mii sáhttá váikkuhit dan bohcco. Nu ahte dat lea dehálaš ahte mis lea dearvvaš eallu maiguin beassat buvttadit dan bierggu maid mii borrat, eat dušše ieža muhto maiddái márkan, dadjá Rávdna Eira Sara, Rievdan-prošeavtta doavttirgráda stipendiáhtta Sámi Allaskuvllas ja ICR.

 

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".