Evenki biebmogirji
1 av 2
Girjjiin háliida Nadezhda Gerisamova seailluhit Evenki biebmoárbevieruid. Foto: Jonny Skoglund
Evenki nissonat gáhkuid ráhkadeamin.
2 av 2
Bohccobierggu borre beaivválaččat, maiddái muorjjit, guolit, šattut ja gáhkku ledje oassin dehálaččat. Foto: Jonny Skoglund
#6wrhc

Biebmogirjjiin háliida seailluhit Evenki álbmoga biebmoárbevieruid

Nadezhda Gerisamova Biepmogirji
3:27 min

Evenki álbmoga árbevirolaš eallin rievdagođiii go Sovjetlihttu bieđganii álgogeažiz 1990. Olles bearaš leai mielde go johte bohccuiguin iešguđetge orohagaid gaskkas.

Maŋimus 30 jagi lea sin eallin rievdan sakka ja nu maiddái biebmoárbevierut. Danin háliidii Nadezhda Gerisamova duođaštit evenki biepmuid maid sii árbevirolaččat leat borran ja son lea bargan dainna 2003 rájes.

Nadezhda Gerisamova lea bajásšáddan Jangra gilis Jakutias, mii lea Sahka republihkas Nuorta davvi Ruoššas. Dat lea okta dain moatti giliin, gos evenki álbmoga giella gullo beaivválaččat ja árbevirolaš eallinvuohki lea seilon oalle muddui.

Dál ássá son gávpogis, ja 2003 rájes lea son mátkkoštan iežas ruovttu báikái ja čohkken dieđuid girjái. Ja sus lea leamaš govvejeaddji mielde gii lea govven iešguđetge buktagiid ja biepmuid girjái.

Evenki nuorat leat massime dološ biebmoárbevieruid ja son dovdá ahte lea su geatnegasvuohta seailluhit dan. Nadezhda muitala ahte son lea ieš šaddan bajás dološ eallinvugiin.

Árbevirolaš biebmu lea sihke dearvvaslaš ja ekologalaš dadjá son, muhto servodaga rievdan lea dagahan ahte eanas nuorat guđđet evenki árbevirolaš eallinvuogi ja fárrejit gávpogiidda. Dat geat báhcet leat nuorra bártnit, ja dat borret ostojuvvon biepmu nugo nudeliid ja konserverejuvvon biepmuid álkivuođa dihtii.

Evenki biebmoárbevierut rievdagohte 1990 álggus go Sovjetlihttu hádjosii.
Bohccobiergu leamaš álo dehálaš sidjiide ja dat leai dehálaš sin dearvvašvuhtii, dadjá son. Vaikko dán áiggi eai šat bora nu ollu bohccobierggu go ovdal go gottit leat jávkame, de lea bohccobiergu fitnemis oastit gávppis, muhto ii leat seammá buorre biergu go ieš bivdojuvvon goddebiergu.

Bohccobierggu borre beaivválaččat, earret bierggu borre gaccaid, čoliid, čoavjji, námmečorvviid ja vara j.n.a, maiddái muorjjit, luonddu šattut, guolit ja eará fuođđut ledje dehálaččat.

Girjjiin son háliida seailluhit evenki ja maiddái eará álgoálbmogiid biebmoárbevieruid ja son doaivu ahte mánáidgárddit ja skuvllat geavahisgohtet dan vai mánát ja nuorat ohppet iežaset biebmoárbevieruid ja son doaivu ahte lea vejolaš árbevirolaš biebmoárbevieru máhcahit fas sin álbmogii. Evenki álbmoga dearvvasvuhtii livčče dát hui dehálaš, dadjá Nadezhda Gerisamova.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".