1 av 3
Sametinget i Karasjok
2 av 3
Sámedigge dállu Kárášjoags Foto: Tanja Linnea Eriksen Norbye, NRK Sápmi
Norgga Sámedikki válgakoarta
3 av 3
Norgga Sámedikki válgakoarta Foto: Máret Steinfjell, Sameradion& SVT Sápmi

Váttis olgoriikkain jienastit Norgga válggain

Norgga válggat lahkonit, muhto jus orru olgoriikkain ja háliida jienastit válggain ferte olmmoš bidjat ollu návccaid gávdnat dieđuid movt ja gos jienastit.

Inslaget är textat.
Svårt att veta hur man röstar till de Norska valen från utlandet.

Sihke Sámediggái Norggas ja Stuorradiggái leat válggat čakčamánu 11 beaivvi. Muhto Norgga válgadirektoráhta ja sámediggi eai sádde válgadieđuid jienasteddjiide olgoriikkaide.
Dan gal dahká Sámediggi Suoma bealde ja Sámediggi Ruoŧa bealde.

 --Daid válgakoarttaid váras eat leat mii geatnegahtton sáddet olggos eará daidda geat orrot riikkaid siskkobealde, Norggas. Muhto maid mii sáhtašeimmet buoridit lea daid dieđuid sidjiide válggaid birra, dan leimmet sáhttit buoridit, dadjá Sámedikki ráđđeaddi Tove Anti, Kárášjogas.

 Jienasteaddjit olgoriikkain sáhttet ovdal čakčamánu 1 beaivvi jienastit Norgga ambassádain, sii sáhttet maid mannat Generálakonsuláhtain ja konsuláhtain jienastit, konsuliin ferte šiehttat goas doppe heive jienastit.

Ruoŧas sáhttet jienasteaddjit jienastit Norgga ambassádas Stockholmmas, konsuláhtat gávdnojit earret eará Gironis, Upmáhis ja Staares.

 --Dán rádjái ii leat oktage jienastan Gironis, doaivumis dan sihte go lea nu lahka Áhkánjárgii, ja de sáhttet mannat Norgii jienastit, dahje eai dieđe ahte lea vejolaš jienastit dáppe Girona konsuláhtas, dadjá konsula Bengt Gustavsson.

Konsula luhtte lea vejolaš jienastit buot Norgga válggain.
Gustavsson muitala ahte ii oktage leat leamaš su luhtte jienasteame, nu lei njealje jagi áigi maid.

 Muhto gávdno vel okta vejolašvuohta jienasteddjiide geain ii leat vejolašvuohta fitnat dain báikkiin jienastit. Sii sáhttet dáhttut Norgga ambassáda sáddet jienastusgoarttaid ja sáddet jienaid Norgii. Dát jienat fertejit leat rievttes válgabiirres ovdal čakčamánu 12 beaivvi.

 

Buorit válggat!

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".