1 av 3
Elvira Nutti
2 av 3
Elvira Nutti, evttohas Girona searvegotti ovttastusii, Girkoválggat 2017 Foto: Stefan Karlsson, Sameradion & SVT Sápmi
Kiruna Kyrka
3 av 3
Girona girku Foto: Stefan Karlsson, Sameradion & SVT Sápmi
Girkoválggat / Kyrkovalet

Fargga girkoválggat muhto mielláhtolohku njiedjá

Elvira Nutti ii hálit ahte politihkka galgá báidnat girku, danin lea son vuolgán evttohassan Girona searvegottiid ovttasdusii. Miellahttulohku Ruoŧa girkus lea njiedjan jagis jahkái ja unnan olbmot jienastit válggain, dat lea heittot girkoválgga legitimitehtii oaivvilda stáhtadiehtti.

Joŋaid ferte maid geargat čoaggit vaikko hede leat girkoválggat. Elvira Nutti ii háliit ahte riikkapolitihka váldá badjel girku, danin lea ieš evttohas girkoválggain.

– Ipmila sátni lea biddjojuvvon eret ja olbmot ieža jurddahit ahte “dal mii dahkat ná”. Ja mon anán ahte mii galgat biibala lohkat ja ná čuožžu biibalis ja de mii fertet dan čuovvut. Mii oažžut eanet olbmuid mielde geat leat risttahaččat ja háliidit ahte girkus galgá leahkit ipmila sátni, dadjá Elvira Nutti.

Ruoŧa girkus leat dal 6 miljuvnna miellahttu. Muhto maŋemus 13 jagi lea girku biestan miellahtuid. Earenoamážit diibmá go 90 000 olbmo guđđe girku. Ággan manin vástidedje measta bealli ahte eai leat jáhkolaččat ja 20 proseanta ahte miellahttovuohta ii mearkkaš maidege. Ovttit válggas leai válgaoassálastin dušše 13 proseanta.

Gironis deaivvaimet guokte jienasteaddji geat eaba jurddašan seamma ládje.

– Mun in jienas, in dieđe doarvái girkopolitihkas, dadjá gironlaš Sofia Agronius.

– Mun jienastan, danin go háliidan girku mii čuovvu biibbala ja ii maidege eará, dadjá nubbi gironlaš Ingela Wasara Esberg.

Ruoŧa girkus leat stuora hástalusat, oaivvilda stáhtadiehtti, girku viggá dal iežas dahkat geasuheaddjin, seammás doalahit sin geat leat ain girkus. Dat mearkkaša sierra láhttenvugiid ja dat váikkuha válggaid.

– Go lea hui vuollegis válgaoassálastin lávejit dadjat ahte systemas ii leat legitimitehta, girku ii leat lihkosmuvvan go duššo 13% oassálastet válggain, dadjá stáhtadiehtti Péteris Timofejevs Henriksson.

Elvira Nuttis lea sávaldat ahte olbmot bohtet jienastit.

– Jus olbmot ipmirdivčče ahte sii geat eai leat čadnon bellodagaide, leat olbmot geain lea jáhkku ja háliidit ahte girku galgá eallit ja girku galgá čuovvut biibala, dadjá Elvira Nutti.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".