Kyrkovalet

Áidna sámelisttus lassána mandáhta girkoválggas

Sámiide Buorrin bellodagas Johkamohkis, davvi Ruoŧas, loktana mandáhta girkoválggas ovddit válgga ektui. Bellodaga bargu lokte sámevuođa girkus olles sámeguovllus, oaivvilda Ingrid Inga, várre ságadoalli Sámi girkoráđis.

Inslaget är textat

Bellodat lea áidna sámelistu olles Ruoŧa girkoválggas, ja oažžu dal eanet mandáhtaid searvegotti alimus stivrras go ovdalaš válggain. Karin Vannar ja Bitte Päiviö Nygård leaba hui duhtivaččat.  

- Wow, go vihtta oaččuimet, jus oažžut vihtta. Dat leat dat mii lea veahá váivi go eat dieđe vel. Muhto dat orru nu ja mon jáhkán ahte doppe gávdnojit jienat ain mat gullojit midjiide mat eai leat vel dáid loguid siste. Juohke beaivvi ferte mannat geahččame, lea go rievdan, dadjá Karin Vannar mojonjálmmiin.

Sámiide Buorrin bellodat lea doaibman girkopolitihkas Johkamohkis 37 jagi ja lea bisson golbma, njeallje mandáhtas. Gaskaboddosaš boađus vuoseha dal vihtta mandáhta dehe goalmmát oassi jienain. Bellodaga ulbmil lea earret loktet sámevuođa ollislaččat girkodoaimmas váikkuhit sisabáhkkemiid eatnamiin searve- ja bismmágotti guovlluin. Ingrid Inga, várre ságadoalli Sámi girkoráđis oaidná bellodaga barggu ovdamearkan iežá searvegottiide.  

- Dat vuoseha go geahčča našunálalaš dássái ahte doppe gos sámit besset leahkit mielde ja barget bures, dat loktana visot sámi girkoeallin ja dat vuoseha dáppe Johkamohkis ahte sii geat leat bargan buori barggu leat lokten sámi áššiidm, dadjá , Ingrid Inga.

Go lea váttis oažžut nuogis jienaid bismmágoddestivrejupmái lea bellodat searvan politihkakeahtes listui, POSK, mii dal gaskaboddosaččat lea ožžon logi mandáhta.

- Mii oinniimet ahte eat nagodan čohkket galli ollu jienaid ovdalaš válggain, danin mearrideaimmet ahte mii geahččalit dal searvat POSK:ii, oaidnit de beassat go min sisa bismmágotti alimus stivrii, dadjá Karin Vannar.

- Sii leat lokten sisa sámi áššiid ja jurdagiid mat sis leat. Oaidnit de maid mii sáhttit doppe dahkat, jus mii ollet dohko, dadjá Bitte Päiviö Nygård.

Muhto jurdagat boatteáiggis gal gávdnojit.

- Mon dieđán ahte leat váttisvuođat gávdnat báhpaid ja mii dárbbahit báhpaid geat máhttet sámegiela, daid áššiid mii ferte loktet ja bargat dainguin, dadjá Bitte Päiviö Nygård.

Loahpalaš dieđut geat besset sisa Johkamohki girku alimus stivrii ja beassá go bellodat bismmágotti alimus stivrii, boahtá mánnomolssašumis.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".