Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
1 av 2
Per-Josef Idivuoma, filmproducent
2 av 2
Per-Josef Idivuoma, filmproducent Foto: NRK Sápmi

Ráđđehus juolluda eanet sámi kultuvrii ja háliidit eanet filmmaid

Ráđđehus evttoha stáhtabušeahtas lasihit juolludeami sámi kultuvrii, sihke filbmadahkki ja váhnen oaidniba duođai dárbbu sámegielat filmmaide olahan dihte mánáid ja nuoraid.

Inslaget är textat: Regeringen ger mer pengar till samisk kultur och vill se satsning på film.

Filbmadahkki Per-Josef Idivuoma lea čuohppamen filmma "Boom boom". Filmmas lea vuođđun duohta muitalus nuppi máilmmesoađis. Ja doaivva lea ahte eanet sámi muitalusat šaddet filbman go sámediggi dál oažžu eanet ruđaid kultuvrii ráđđehusas.

- Dat sávaldat mii mus goit dál lea, ahte go viimmat dál oidnet ja háliidit bidjat ruđa unnitlogugielat filmmaide ja earenoamážit sámi filbmii maid, lea ahte sávvamis mii sámit oažžut vejolašvuođa muitalit min iežamet muitalusaid. De mii sáhttit garvit dan mii dávjá dáhpáhuvvá ahte iežát muitalit min muitalusaid, daddjá Per-Josef Idivuoma. 

Sámediggi lea jo ožžon lassi ruđa ráđđehusas, sihke hálddašanruđa ja boazodollui. Ráđđehus juolluda logi miljovnna eanet sáme- ja unnitloguid kultuvrii, ii leat vel diehtu juste movt daid juhket. Sámeministtar dajai bušeahttaovdanbuktimis ahte filmmat sáme- ja unnitlogu gielain leat dehálaččat vai olahit mánáid ja nuoraid. 

- Gávdnojit gal oanehis filmmážat, muhto livččii somá mánáiguin beassat geahččat guhkit filmma mii lea sámegilli. Mon oaivvildan ahte lea vuoigatvuohta beassat eatnigielat filmmaid geahččat, dadjá váhnen Cecilia Pirak Kuoljok, Jåhkåmåhkkes.  

Sámedikki kulturlávdegotti ságadoalli Ingrid Inga vuordá dieđu man ollu ruđas lea sáhka, muhto deattuha ahte ruhtadeapmi filmmaide lea vuoruhuvvon sin bealis maiddái.

- Na dieđusge dat galgá, juoga ládje mii galgat čoavdit dan, in máhte juste odne lohkat movt dan dahkat. Muhto čoavdit mii galgat ahte nuorat ja mánát galget oažžut filmmaid.

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".