Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Åsa Larsson Blind
1 av 2
Åsa Larsson Blind Foto: Jörgen Heikki, SR Sameradion & SVT Sápmi.
Regeringskansliet Rosenbad.
2 av 2
Foto: Bertil Ericson/Scanpix.

Láhkaárvalus buorre sámiide

Ođđa láhkaárvalus Ruoŧas addá sámiide váikkuhanvejolašvuođa áššiin mat gusket sámiide. Lea buorre go čielggaduvvo lágas mainnalágiin sámit besset iežaset oaiviliid buktit ovdán, dadjá Sámiráđi jođiheaddji.

Ráđđehusa maŋemus láhkaárvalus go guoská sámiide Ruoŧas lea lávki njuolga guvlui, meidne Sámiráđi jođiheaddji Åsa Larsson Blind.

- Mis lea dal evttohus mii lea konkrehta ja čielggas, dat lea buorre. Evttohusas čilgejuvvo dárkilit got ráđđedallamat dain sierralágán dásiin galget dahkkojuvvot, sihke ruoŧa ja sámi servodagas, dadjá Åsa Larsson Blind.

Mannan vahku buvttii ráđđehus ovdán evttohusa sierra ráđđehallanortnegii sámiiguin. Dat mearkkašivčče ahte lága mielde ferte ráđđehus, visot eiseválddit, eanadikkit ja gielddat ráđđehallat Sámedikkiin ja guoskevaš čearuin dehe organisašuvnnain áššiin main leat earenoamáš meakkašupmi sámiide. Sámeministara Alice Bah Kuhnke sávaldat lea ahte sámiid iešmearrideapmi ja váikkuheapmi lassána.  

- Dát lea evttohus mii čielggada ráđđedallanortnega mas leat struktuvra mii addá sámiide váikkuhanvejolašvuođa guoskevaš áššiin, dadjá Alice Bah Kuhnke, gii maiddái sávvá ahte evttohus dohkkehuvvo ovdal boahtte jagi riikabeaiválgga.

Sáminuora jođiheaddji Isak Utsi dadjá ahte su organisašuvdna ii leat geargan dárkilit lohkat čađa olles evttohusa muhto son oaidná maiddái buorrin ahte sámit besset váikkuhit juohke dásis. Utsi jurddaha goit veahá got smávva organisašuvnnat galget nagodit ruhtadit ráđđedallamiid go dasá šaddet liige golut. Muhto dat lea juoga mii ferte čielgat maŋibu.

Muhton organisašuvnnat oaivvildit dát lea lávki sámi iešmearrideapmái muhto dan guoktá ii galgga seaguhit, oaivvilda Åsa Larsson Blind.

- Ulbmil dáinna ráđđedallanortnegiin lea ahte sámit galget oažžut eanet váikkuhanvejolašvuohta ja dat gal ii atte sámi iešmearrideami. Ráđđedallanortnet han mearkkaša ahte stáhta iežas proseassain galgá gulahallat sámiiguin, váldit vuhtii min oainnuid vai mii leat mielde váikkuheame loahpalaš mearrádusa, dadjá Åsa Larsson Blind.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".